കടത്തുന്ന സ്വർണത്തിന്റെ പത്തിലൊന്നു പോലും പിടികൂടുന്നില്ലെന്നതാണ് സത്യം. രഹസ്യ വിവരം ലഭിച്ചോ പരിശോധനയ്ക്കിടയിലോ കുറെയൊക്കെ പിടിക്കുന്നുണ്ട്. കരിപ്പൂര് അന്താരാഷ്ട്ര വിമാനത്താവളത്തിൽ മാത്രം നാലു ദിവസത്തിനിടെ 12 കിലോയോളം സ്വര്ണമാണ് കസ്റ്റംസും ഡി.ആർ.ഐയും പിടിച്ചത്. എക്സറേ പരിശോധനയില് പോലും പിടിക്കപ്പെടാനാവാത്ത വിധം വിദഗ്ധമായാണ് സ്വർണകടത്തുകളും. നെടുമ്പാശേരിയിൽ വ്യാഴാഴ്ച പിടിച്ചത് ആറു കോടി വിലമതിക്കുന്ന 20 കിലോ സ്വർണമാണ്.
കരിപ്പൂരിൽ ബുധനാഴ്ച ഗൾഫിൽ നിന്നെത്തിയ മൂന്നുയാത്രക്കാരിൽ നിന്നായി 4.37 കിലോ സ്വർണമാണ് പിടികൂടിയത്. ബിസ്കറ്റ് ടിന്നുകൾക്കുള്ളിലും അടിവസ്ത്രത്തിൽ പ്രത്യേക അറ നിർമ്മിച്ചുമാണ് സ്വർണം കടത്താൻ ശ്രമിച്ചത്. അടിവസ്ത്രത്തിലെ പ്രത്യേക അറയിൽ രണ്ടുകിലോ വീതമുള്ള സ്വര്ണകട്ടിക്കടത്താൻ ശ്രമിച്ച സിറാജുദ്ദീന് കള്ളക്കടത്ത് കരിയറാണ്.. മാര്ക്കറ്റില് ഇതിനു 5920,000 രൂപ വില മതിക്കും.
സെപ്റ്റംബർ 15ന് ടോര്ച്ചിലെ ബാറ്ററിക്കുള്ളില് ഈയത്തില് പൊതിഞ്ഞ് കടത്താന് ശ്രമിച്ച 3.87 കിലോഗ്രാം സ്വര്ണമാണ് ദുബായില് നിന്നെത്തിയ മൂന്ന് പേരില് നിന്ന് പിടികൂടിയത്. 16ന് റാസല്ഖൈമയിൽ നിന്നെത്തിയ മലപ്പുറം സ്വദേശിയിൽ നിന്ന് 160 സ്വര്ണനാണയങ്ങളാണ് പിടികൂടിയത്. വെള്ളിയാഴ്ച മൂന്നരക്കിലോ സ്വർണ്ണവും പിടിച്ചു.
നെടുമ്പാശേരിയിൽ പർദ്ദയിൽ ഒളിപ്പിച്ച് കടത്തിയ 20 കിലോ സ്വർണമാണ് പിടിച്ചത്.കോഴിക്കോട് കോട്ടപ്പളളി സ്വദേശിനി ആസിഫ(25) തൃശൂർ എടക്കഴിയൂർ സ്വദേശിനി ആരിഫ (26) എന്നിവരാണ് ഇത് കടത്തവേ പിടിയിലായത്. ഓരോ കിലോ വീതമുളള പത്ത് സ്വർണ്ണക്കട്ടികൾ വീതമാണ് പർദ്ദയ്ക്കുളളിൽ ജാക്കറ്റ് ധരിച്ച് ഇതിൽ വിദഗ്ധമായി ഒളിപ്പിച്ചത്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kozhikode, Gold,
No comments:
Post a Comment