ഒറ്റയാന്‍ കുളിക്കുന്നത് കാണാന്‍ ജനം ഇരച്ചു കയറി; പാലം അപകടാവസ്ഥയില്‍

മൂന്നാര്‍ പുഴയില്‍ ഒറ്റയാന്‍ കുളിക്കുന്നത് കാണാന്‍ ജനങ്ങള്‍ തൂക്കു പാലത്തില്‍ കയറിയതോടെ പാലം അപകടാവസ്ഥയില്‍ . മൂന്നാറിലെ മുതിരപ്പുഴയാറിന് സമീപത്തുള്ള പാലമാണ് കമ്പികള്‍ പൊട്ടി ഇപ്പോള്‍ അപകട നിലയില്‍ ആയിരിക്കുന്നത്.

പുലര്‍ച്ചെയാണ് ഒറ്റയാന്‍ പുഴയിലിറങ്ങിയത്. ഇതു കാണാനായി വിദേശികളടക്കമുള്ള നിരവധി ആളുകള്‍ പാലത്തില്‍ അഭയം തേടിയതാണ് പാലത്തിനെ അപകടാവസ്ഥയിലാക്കിയത്.

രണ്ടാഴ്ചയോളമായി മൂന്നാര്‍ മേഖലയില്‍ ഒറ്റയാന്റെ ശല്യമുണ്ട്. ആന പുഴയിറങ്ങിയത് കാണാനായി വന്‍ ജനത്തിരക്കാണ് അനുഭവപ്പെട്ടത്.അമിത ഭാരത്തെ തുടര്‍ന്ന് പാലം പൊട്ടി ഒരു വശത്തേയ്ക്ക് ചെരിഞ്ഞെങ്കിലും വന്‍ അപകടം ഒഴിവായി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Moonnar, Elephant,