ബേവിഞ്ചയില്‍ ലീഗ് -സിപിഎം സംഘര്‍ഷം, കാറുകളും ഓഫീസും തകര്‍ത്തു

കാസര്‍കോട്: ബേവിഞ്ചയില്‍ സി.പി.എം-ലീഗ് പ്രവര്‍ത്തകര്‍ തമ്മിലുണ്ടായ ഏറ്റുമുട്ടലില്‍ കുട്ടികളായ രണ്ട് പേരേയും നാല് ലീഗ് പ്രവര്‍ത്തകരേയും പരിക്കുകളോടെ കെയര്‍വെല്‍ ആശുപത്രിയില്‍ പ്രവേശിപ്പിച്ചു.

യൂത്ത് ലീഗ് ബേവിഞ്ച ശാഖാ വൈസ് പ്രസിഡന്റ് തെക്കില്‍ അടിയതൊട്ടി ഹൗസില്‍ അബ്ദുര്‍ റഹ് മാന്‍ ഹാജിയുടെ മകന്‍ എ.ടി. അബ്ദുര്‍ റസാഖ് (35), കാസര്‍കോട് വിവേകാനന്ദ കോളജിലെ ഒന്നാംവര്‍ഷ ഡിഗ്രി വിദ്യാര്‍ത്ഥിയും ബേവിഞ്ച തൊട്ടി ഹൗസിലെ ഹംസയുടെ മകനുമായ അഫ്‌സല്‍ (18), ബേവിഞ്ച കല്ലുകൂട്ടം ഹൗസില്‍ അബ്ദുല്‍ ഖാദറിന്റെ മകനും ഊമയുമായ മുഹമ്മദ് കുഞ്ഞി എന്ന മമ്മി (36), ബന്ധുക്കളായ ഷര്‍വാന്‍ (എട്ട്), ഷാനൂണ്‍ (അഞ്ച്), ബേവിഞ്ചയിലെ അഷ്‌റഫിന്റെ മകന്‍ എ.ടി. ആരിഫ് (20) എന്നിവരെയാണ് പരിക്കുകളോടെ ആശുപത്രിയില്‍ പ്രവേശിപ്പിച്ചത്.

അഫ്‌സലിന്റെ കെ.എല്‍. 14 ജി 1612 നമ്പര്‍ മാരുതി കാര്‍ അടിച്ചുതകര്‍ത്തു. ബേവിഞ്ചയിലെ ബാഫഖി തങ്ങള്‍ സ്മാരക ഓഫീസും കല്ലെറിഞ്ഞു തകര്‍ത്തിട്ടുണ്ട്. ഇതുകൂടാതെ നാല് കാറുകള്‍ക്കും കല്ലേറില്‍ കേടുപാടുകള്‍ സംഭവിച്ചു. വെള്ളിയാഴ്ച ഉച്ചയ്ക്ക് ജുമുഅ നിസ്‌ക്കാരം കഴിഞ്ഞ് കാറില്‍ പോകുമ്പോഴാണ് ലീഗ് പ്രവര്‍ത്തകര്‍ അക്രമിക്കപ്പെട്ടത്.

അക്രമ വിവരം അറിഞ്ഞ് കാസര്‍കോട് സി.ഐ. സി.കെ. സുനില്‍കുമാറിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,