എസ് എസ് എഫ് ജില്ലാ സാഹിത്യോത്സവില്‍ കാസര്‍കോടിന് വീണ്ടും ചാമ്പ്യന്‍പട്ടം

കാസര്‍കോട്: രണ്ട് ദിവസമായി പെരുമ്പട്ടയില്‍ നടന്ന വന്ന എസ് എസ് എഫ് ജില്ലാ സാഹിത്യോത്സവ് സമാപിച്ചു. ഏഴ് വിഭാഗങ്ങളിലായി ആറ് ഡിവിഷനുകളില്‍ നിന്ന് അഞ്ഞൂറിലധികം പ്രതിഭകള്‍ മാറ്റുരച്ച മത്സരത്തില്‍ കാസര്‍കോട് ചാമ്പ്യന്‍മാരായി. മഞ്ചേശ്വരം ഡിവിഷന്‍ രണ്ടും ഉദുമ മൂന്നും സ്ഥാനങ്ങള്‍ കരസ്ഥമാക്കി.
കാഞ്ഞങ്ങാട് ഡിവിഷനിലെ ഫൈറൂസ് റസാഖാന്‍ കലാപ്രതിഭയായി.

സമാപന സംഗമം സ്വാഗതസംഘം ചെയര്‍മാന്‍ അബ്ദുല്‍ ജബ്ബാര്‍ മിസ്ബാഹിയുടെ അധ്യക്ഷതയില്‍ എസ് വൈ എസ് സംസ്ഥാന ട്രഷറര്‍ സയ്യിദ് ഉമറുല്‍ ഫാറൂഖ് അല്‍ ബുഖാരി പൊസോട്ട് ഉദ്ഘാടനം ചെയ്തു. ഇന്‍ഫര്‍മേഷന്‍ ഓഫീസര്‍ കെ അബ്ദുറഹ്മാന്‍, വെസ്റ്റ് എളേരി ഗ്രാമ പഞ്ചായത്ത് പ്രസിഡന്റ് കെ ജി വര്‍ക്കി, മുജമ്മഅ് ജനറല്‍ മാനേജര്‍ ജാബിര്‍ സഖാഫി, എസ് വൈ എസ് ജില്ലാ സെക്രട്ടറിമാരായ ഹസ്ബുല്ല തളങ്കര, അശ്‌റഫ് കരിപ്പോടി, എ ഹമീദ് ഹാജി പെരുമ്പട്ട, ബശീര്‍ മങ്കയം, ജബ്ബാര്‍ മിസ്ബാഹി, ഇബ്‌റാഹിം നീലമ്പാറ, ഖാദര്‍ മൗക്കോട്, യൂസുഫ് മദനി ചെറുവത്തൂര്‍ പ്രസംഗിച്ചു. 

വിജയികള്‍ക്ക് സയ്യിദ് ഉമറുല്‍ ഫാറൂഖ് അല്‍ ബുഖാരി പൊസോട്ട്, ഹമീദ് ഹാജി പെരുമ്പട്ട, ഹംസ മിസ്ബാഹി ഓട്ടപ്പദവ് ട്രോഫി സമ്മാനിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News