കാസര്‍കോട് സംയുക്ത ഖാസി സ്ഥാനാരോഹണം 18 ന്‌

കാസര്‍കോട്: കാസര്‍കോട് മുസ്‌ലിം സംയുക്ത ജമാഅത്ത് ഖാസിയായി തെരഞ്ഞെടുക്കപ്പെട്ട പ്രൊഫ. കെ.ആലിക്കുട്ടി മുസ്‌ല്യാരുടെ സ്ഥാനാരോഹണം ഒക്‌ടോബര്‍ 18 ന് അസര്‍ നിസ്‌കാരാനന്തരം തളങ്കര മാലിക് ദീനാര്‍ വലിയ ജമാഅത്ത് പള്ളിയില്‍ നടക്കും. കാസര്‍കോട് സംയുക്ത മുസ്‌ലിം ജമാഅത്ത് സ്റ്റിയറിംഗ് കമ്മിറ്റി അംഗങ്ങളുടെയും മാലിക് ദീനാര്‍ വലിയ ജമാഅത്ത് പള്ളി ഭാരവാഹികളുടെയും സംയുക്തയോഗത്തിലാണ് ഈ തീരുമാനം. പ്രസിഡണ്ട് ചെര്‍ക്കളം അബ്ദുല്ല അധ്യക്ഷത വഹിച്ചു.

സമസ്ത കേരള ഇംഇയ്യത്തുല്‍ ഉലമ പ്രസിഡണ്ട് ആനക്കര സി. കോയക്കുട്ടി മുസ്‌ല്യാര്‍ സ്ഥാനാരോഹണം നടത്തും. പാണക്കാട് സയ്യിദ് റഷീദലി ശിഹാബ് തങ്ങള്‍, പിണങ്ങോട് അബൂബക്കര്‍ മുസ്‌ല്യാര്‍, കീഴൂര്‍മംഗലാപുരം സംയുക്ത ഖാസി ത്വാഖ അഹമ്മദ് മൗലവി, കാഞ്ഞങ്ങാട് സംയുക്ത ജമാഅത്ത് ഖാസി സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, സയ്യിദ് സൈനുല്‍ ആബിദീന്‍ തങ്ങള്‍ കുന്നുങ്കൈ, സയ്യിദ് കെ.എസ്. ആറ്റക്കോയ തങ്ങള്‍ കുമ്പോല്‍, പള്ളിക്കര ഖാസി സി.എച്ച്. അബ്ദുല്ല മുസ്‌ല്യാര്‍, നീലേശ്വരം ഖാസി ഇ.കെ. മഹമൂദ് മുസ്‌ല്യാര്‍, മാലിക് ദീനാര്‍ വലിയ ജമാഅത്ത് ഖത്തീബ് അബ്ദുല്‍ മജീദ് ബാഖവി സംബന്ധിക്കും.

യോഗത്തില്‍ സെക്രട്ടറി കെ.ബി. മുഹമ്മദ്കുഞ്ഞി സ്വാഗതം പറഞ്ഞു. എന്‍.എ.അബൂബക്കര്‍, പൂന അബ്ദുര്‍ റഹ് മാന്‍ ഹാജി, കെ.എസ്. മുഹമ്മദ്കുഞ്ഞി ഹാജി, കെ. മുഹമ്മദ് ഹാജി, കെഎം. അബ്ദുല്‍ ഹമീദ് ഹാജി, സുലൈമാന്‍ ഹാജി ബാങ്കോട്, സി.എം. മുഹമ്മദ്കുഞ്ഞി ഹാജി, എ.അബ്ദുര്‍ റഹ് മാന്‍, കെ.എം.അബ്ദുര്‍ റഹ് മാന്‍ പ്രസംഗിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News