തൂത്തുക്കുടി മറവണ്ടത്തില്‍ ബിഷക്കാട്ടുവേല്‍ ആര്‍ട്‌സ് സയന്‍സ് കോളേജ് പ്രിന്‍സിപ്പല്‍ ചെല്ലയ്യയ്ക്ക് നേരേയാണ് ബിരുദവിദ്യാര്‍ഥികള്‍ ആക്രമണശ്രമം നടത്തിയത്. സംഭവത്തില്‍ കോളേജിലെ ബി.എസ്‌സി. രണ്ടാംവര്‍ഷ വിദ്യാര്‍ഥിയായ ചന്ദന മാരിയപ്പന്‍(20), ഇന്‍ഫര്‍മേഷന്‍ ടെക്‌നോളജി രണ്ടാംവര്‍ഷ വിദ്യാര്‍ഥിയായ വിഘ്‌നേഷ്(22) എന്നിവരെ പോലീസ് അറസ്റ്റ്‌ചെയ്തു.
വിദ്യാര്‍ഥിനികളെ ശല്യപ്പെടുത്തിയതിനാല്‍ ചന്ദന മാരിയപ്പന്‍, വിഘ്‌നേഷ് എന്നിവരോട് രക്ഷിതാക്കളെ വിളിച്ചുകൊണ്ടുവരാന്‍ പ്രിന്‍സിപ്പല്‍ ആവശ്യപ്പെട്ടിരുന്നു.
രണ്ടുപേരും, തങ്ങളുടെ അമ്മാവനാണെന്നുപറഞ്ഞ് കപ്പല്‍ ജീവനക്കാരനെ പ്രിന്‍സിപ്പലിന്റെ അടുത്തേക്ക് കൊണ്ടുവന്നിരുന്നു. രണ്ടുവിദ്യാര്‍ഥികളുടെയും നടപടിയില്‍ സംശയം തോന്നിയ പ്രിന്‍സിപ്പല്‍ അമ്മയെമാത്രം വിളിച്ചുകൊണ്ടുവരാന്‍ ആവശ്യപ്പെട്ടു.
എന്നാല്‍, പ്രിന്‍സിപ്പലിന്റെ നടപടിയില്‍ രോഷാകുലരായ വിദ്യാര്‍ഥികള്‍ പ്രിന്‍സിപ്പലിനെ ആക്രമിക്കാന്‍ ശ്രമിക്കുകയും വധഭീഷണി മുഴക്കുകയും ചെയ്തു. സംഭവത്തില്‍ പ്രിന്‍സിപ്പല്‍ പോലീസില്‍ പരാതി നല്‍കി. പോലീസ് കോളേജിലെത്തി രണ്ട് വിദ്യാര്‍ഥികളെയും പിടികൂടുകയായിരുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Chennai, Thoothukudy, Principle, Attacked, Police
No comments:
Post a Comment