മലാലയ്ക്ക് കിട്ടിയത് നോബല്‍ സമ്മാനത്തോളെം പോന്ന മിഷേലിന്റെ മുത്തം

വാഷിങ്ടണ്‍: സമാധാനത്തിനുള്ള നോബല്‍ കപ്പിനും ചുണ്ടിനുമിടയില്‍ നഷ്ടമായെങ്കിലും മറ്റൊരു വലിയ കാര്യം മലാല യൂസഫ്‌സായിയുടെ ജീവിതത്തില്‍ വെള്ളിയാഴ്ച സംഭവിച്ചു. അമേരിക്കന്‍ പ്രസിഡന്റ് ബരാക്ക് ഒബാമയുമായി വൈറ്റ് ഹൗസില്‍ കൂടിക്കാഴ്ച നടത്താന്‍ കഴിഞ്ഞതാണ് മലാലയെ ആഹ്ലാദിപ്പിക്കുന്നത്. നോബല്‍ സമ്മാനത്തിന് തൊട്ടടുത്തെത്തിയിട്ട് നഷ്ടപ്പെട്ടതിന്റെ ചെറിയ സങ്കടം മായിക്കാന്‍ ഒബാമമയും അദ്ദേഹത്തിന്റെ ഭാര്യ മിഷേലുമായുള്ള കൂടിക്കാഴ്ചയിലൂടെ മലാലക്കായി. മുത്തം നല്‍കി ആശ്ലേഷിച്ചാണ് മലാലയെ മിഷേല്‍ സ്വീകരിച്ചത്.

പാക്കിസ്ഥാനിലെ പെണ്‍കുട്ടികളുടെ വിദ്യാഭ്യാസ അവകാശങ്ങള്‍ക്കായുള്ള മലാലയുടെ പോരാട്ടങ്ങളെ ഒബാമ പ്രകീര്‍ത്തിച്ചു. ലോകത്തിലെ എല്ലാപെണ്‍കുട്ടികള്‍ക്കും വിദ്യാഭ്യാസത്തിനുള്ള സാഹചര്യം ഒരുക്കിക്കൊടുക്കുകയും അതിലൂടെ അവരെ അവരുടെ സ്വപ്നങ്ങളിലേക്ക് സ്വതന്ത്രരാക്കുന്നതിനുള്ള പോരാട്ടങ്ങളില്‍ അമേരിക്ക കണ്ണിചേരുമെന്നും വൈറ്റ് ഹൗസ് പത്രക്കുറിപ്പില്‍ പറഞ്ഞു.

ബ്രിട്ടനില്‍ സ്ഥിരതാമസം തുടങ്ങിയ മലാല പെണ്‍കുട്ടികളുടെ വിദ്യാഭ്യാസത്തിനുള്ള പോരാട്ടത്തിലാണ്. പെണ്‍കുട്ടികള്‍ക്ക് വിദ്യാഭ്യാസം നിഷേധിക്കുന്നതിനെ ചോദ്യംചെയ്തതിന് മലാലയെ താലിബാന്‍ ഭീകരര്‍ ആക്രമിച്ചിരുന്നു. പാകിസ്ഥാനിലെ സ്വാത് താഴ്‌വരയില്‍വച്ച് താലിബാന്റെ വെടിയേറ്റു തലയ്ക്കു ഗുരുതര പരിക്കേറ്റ മലാല ബ്രിട്ടനിലെ വിദഗ്ദ ചികിത്സയിലാണ് സുഖംപ്രാപിച്ചത്. തുടര്‍ന്ന് മലാല ബ്രിട്ടനില്‍ സ്ഥിരതാമസം തുടങ്ങി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Vashington, Nobel Price, Malala