മഞ്ജുവിനെ കാത്ത് സുരേഷ്‌ഗോപിയും

സിനിമയിലേക്കുള്ള തിരിച്ചുവരവ് പ്രഖ്യാപിച്ച മഞ്ജുവാര്യര്‍ക്കുള്ള ഓഫറുകള്‍ തുടരുന്നു. മോഹന്‍ലാലിനും ഫഹദ്ഫാസിലിനും ഒപ്പമുള്ള സിനിമാപ്രൊജക്റ്റുകള്‍ക്കു പിന്നാലെ മഞ്ജു സുരേഷ് ഗോപിയുടെ നായികയാവുന്നുവെന്നതാണ് പുതിയ വാര്‍ത്ത. സമ്മര്‍ ഇന്‍ ബത്‌ലേഹം എന്ന ചിത്രത്തില്‍ അഭിനയിച്ചതിനുശേഷം മഞ്ജുവാര്യരും സുരേഷ്‌ഗോപിയും ഒന്നിക്കുന്ന ചിത്രമാവും പുതിയത്.

ആദാമിന്റെ മകന്‍ അബു, മമ്മൂട്ടി നായകനായ കുഞ്ഞനന്തന്റെ കട തുടങ്ങിയ ചിത്രങ്ങള്‍ക്കുശേഷം സലിം അഹമ്മദ് സംവിധാനം ചെയ്യുന്ന ചിത്രത്തിലാണ് മഞ്ജുവും സുരേഷ്‌ഗോപിയും ഒന്നിക്കുന്നത്. സമ്മര്‍ ഇന്‍ ബത്‌ലഹേം എന്ന ചിത്രത്തില്‍ ഇരുവരോടുമൊപ്പം മോഹന്‍ലാല്‍ അതിഥിവേഷത്തില്‍ അഭിനയിച്ചിരുന്നു. 

സലിം അഹമ്മദിന്റെ ചിത്രത്തിലും മോഹന്‍ലാലിനെ അതിഥിതാരമായി അവതരിപ്പിക്കാനുള്ള ശ്രമവും നടക്കുന്നുണ്ട്. ഇതുകൂടാതെ നവാഗതരടക്കമുള്ള പല സംവിധായകരും മഞ്ജുവാര്യരെ സമീപിക്കുന്നുണ്ടെങ്കിലും ശ്രദ്ധയോടെയാണ് മഞ്ജു സിനിമകള്‍ തിരഞ്ഞെടുക്കുന്നത്. അതുകൊണ്ടുതന്നെ കഴിവുതെളിയിച്ച സംവിധായരകുടെ ചിത്രങ്ങളില്‍ മാത്രമേ ആദ്യഘട്ടത്തില്‍ സഹകരിക്കുന്നുള്ളൂവെന്ന തീരുമാനത്തിലാണ് മലയാളത്തിന്റെ പ്രിയനടി.

റോഷന്‍ ആന്‍ഡ്രൂസ് സംവിധാനം ചെയ്യുന്ന ഹൗ ഓള്‍ഡ് ആര്‍ യു എന്ന ചിത്രത്തില്‍ അഭിനയിക്കാന്‍ ഒരുങ്ങുകയാണ് മഞ്ജു ഇപ്പോള്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Movie, Actress, Manju Warrier