പീഡനകേസ്: രാജസ്ഥാനില്‍ മുന്‍മന്ത്രി അറസ്റ്റില്‍

ജയ്പ്പൂര്‍: പീഡനക്കേസില്‍ രാജസ്ഥാനില്‍ മുന്‍മന്ത്രിയെ സി.ബി.ഐ അറസ്റ്റ് ചെയ്തു. കോണ്‍ഗ്രസ് അംഗവും രാജസ്ഥാനിലെ മുന്‍ ഗ്രാമീണ വ്യവസായ വകുപ്പ് മന്ത്രിയുമായ ബാബുലാലാണ് അറസ്റ്റിലായത്.

ജോലി നല്‍കാം എന്ന വാഗ്ദാനം നല്‍കി 35 വയസ്സുള്ള സ്ത്രീയെ തന്റെ ബംഗ്ലാവിലേക്ക് വിളിച്ചു വരുത്തി പീഡിപ്പിച്ച കേസിലാണ് വെള്ളിയാഴ്ച സി.ബി.ഐ ബാബുലാലിനെ അറസ്റ്റ് ചെയ്തത്.

പീഡനത്തിനിരയായ സ്ത്രീ നല്‍കിയ പരാതിയെത്തുടര്‍ന്നാണ് ബാബുലാലിന് മന്തി സ്ഥാനം രാജി വെയ്‌ക്കേണ്ടി വന്നത്. തുടര്‍ന്ന് രാജസ്ഥാന്‍ പൊലീസില്‍ നിന്ന് ഒക്ടോബര്‍ 9ന് സി.ബി.ഐ കേസ് ഏറ്റെടുത്തു.

അറസ്റ്റിലായ ബാബുലാലിനെ ഫോറന്‍സിക് പരിശോധനയ്ക്ക് വിധേയമാക്കിയിട്ടുണ്ട്. ബാബുലാലിനെ കോണ്‍ഗ്രസ് പാര്‍ട്ടിയില്‍ നിന്നും കഴിഞ്ഞ മാസം സസ്‌പെണ്ട് ചെയ്യുകയുണ്ടായി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Rajasthan, Rape Case, Arrested