മുഖ്യമന്ത്രിയെ ചോദ്യംചെയ്തത് തെളിവുകളുടെ അടിസ്ഥാനത്തിലെന്ന് പിണറായി

കാസര്‍കോട്: സോളാര്‍ തട്ടിപ്പ് കേസില്‍ വ്യക്തമായ തെളിവുകളുടെ അടിസ്ഥാനത്തിലായിരിക്കണം അന്വേഷണ സംഘം മുഖ്യമന്ത്രി ഉമ്മന്‍ ചാണ്ടിയെ ചോദ്യചെയ്തതെന്നും അതിനാല്‍ അദ്ദേഹം രാജിവെച്ച് ജ്യുഡീഷല്‍ അന്വേഷണം നേരിടണമെന്നും സി.പി.എം. സംസ്ഥാന സെക്രട്ടറി പിണറായി വിജയന്‍ ആവശ്യപ്പെട്ടു.

വ്യാഴാഴ്ച രാവിലെ കാസര്‍കോട് ഗവണ്‍മെന്റ് ഗസ്റ്റ്ഹൗസില്‍ സംസാരിക്കുകയായിരുന്നു അദ്ദേഹം. സാധാരണ പൗരനെപോലെ മുഖ്യമന്ത്രിയെ ചോദ്യംചെയ്യാന്‍ പോലീസിന് കഴിയില്ല. മുഖ്യമന്ത്രിയെ ചോദ്യംചെയ്യാന്‍ അന്വേഷണസംഘം അറച്ച് നില്‍ക്കുകയാണ്. ഈ സാഹചര്യത്തില്‍ അദ്ദേഹം രാജിവെച്ച് ജുഡീഷ്യല്‍ അന്വേഷണം നടത്തിയാല്‍ മാത്രമേ വസ്തുതകള്‍ പുറത്തുകൊണ്ടുവരാന്‍ സാധിക്കുകയുള്ളുവെന്ന് പിണറായി പറഞ്ഞു.

ഇക്കാര്യം എല്‍.ഡി.എഫ്. നേരത്തെ തന്നെ ആവശ്യപ്പെട്ടുവരുന്നതായും അദ്ദേഹം പറഞ്ഞു. സോളാര്‍ തട്ടിപ്പിനെകുറിച്ച് ശ്രീധരന്‍ നായരുടെ പരാതിയില്‍ മുഖ്യമന്ത്രിയെ ചോദ്യംചെയ്തുവെന്ന് അഡ്വ. ജനറല്‍ ഹൈക്കോടതിയെ അറിയിച്ചതിന്റെ പാശ്ചാത്തലത്തിലായിരുന്നു പിണറായിയുടെ പ്രതികരണം. സി.പി.എം. ജില്ലാ കമ്മിറ്റിയുടെ നിര്‍ണായക യോഗത്തില്‍ പങ്കെടുക്കാന്‍ ബുധനാഴ്ചതന്നെ പിണറായി കാസര്‍കോട്ടെത്തിയിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Solar Case, Pinarai, Ummanchandi