നീലേശ്വരത്തേയും പടന്നക്കാട്ടേയും ഓട്ടോ സ്റ്റാന്റുകളില്‍ വി എസിന് പിറന്നാളാഘോഷം

നീലേശ്വരം: തൊണ്ണൂറാം വയസ്സിലേക്ക് കടന്ന പ്രതിപക്ഷ നേതാവ് വി എസ് അച്യുതാനന്ദന് നീലേശ്വരത്തേയും പടന്നക്കാട് തോട്ടം ജ്ഗ്ഷനിലെയും ഓട്ടോസ്റ്റാന്റുകളില്‍ മധുരം വിതരണം ചെയ്ത് പിറന്നാളാഘോഷം. ചുവപ്പ് വര്‍ണകടലാസുകളാല്‍ അലങ്കരിച്ച് കൂറ്റന്‍ ഫ് ളക്‌സ് ബോര്‍ഡുകള്‍ ഉയര്‍ത്തി മുദ്രാവാക്യം മുഴക്കി. രാവിലെ നീലേശ്വരത്ത് ഡ്രൈവര്‍മാര്‍ ഒത്തുകൂടിയാണ് ആഘോഷം നടത്തിയത്.

ചെഗുവേരയുടെയും വി എസിന്റെ ചിത്രങ്ങളടങ്ങിയ ഫ് ളക്‌സ് ബോര്‍ഡുകളും ഉയര്‍ത്തിയിട്ടുണ്ട്. സ്വന്തം നാട്ടില്‍ ഏറ്റവും കൂടുതല്‍ ജനപിന്തുണയുള്ള നേതാവ് ക്യൂബന്‍ മുന്‍ പ്രസിഡണ്ട് ഫീഡല്‍ കാസ്‌ട്രോ കഴിഞ്ഞാല്‍ വി എസാണെന്ന കൊളമ്പിയന്‍ സര്‍വ്വകലാശാലയുടെ കണ്ടെത്തലുകളുമാണ്‌ ഫ് ളക്‌സ് ബോര്‍ഡിലുള്ളത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News