തമിഴിലും ഗായികയായി നിത്യാ മേനോന് അരങ്ങേറ്റം

ചെന്നൈ: തമിഴിലും ഗായികയായി നിത്യാ മേനോന് അരങ്ങേറ്റം. ചിത്രീകരണം പുരോഗമിക്കുന്ന മാലിനി 22 പാളയംകോട്ടൈ എന്ന ചിത്രത്തിനായാണ് നിത്യാ ഗായികയാവുന്നത്. പ്രചരണ ഗാനമായാണ് ഇത് ഒരുക്കിയിരിക്കുന്നത്.

പായസ എന്ന കന്നട ചിത്രത്തിനായാണ് നിത്യാ മേനോന്‍ ആദ്യമായി പാടുന്നത്. തുടര്‍ന്ന് തെലുങ്ക് മൊഴിമാറ്റ മലയാള ചിത്രങ്ങളിലും നിത്യാ ഗായികയായി. വി കെ പ്രകാശ് സംവിധാനം ചെയ്ത പോപ്പിന്‍സ് എന്ന ചിത്രത്തിലൂടെ മലയാളത്തിലും നിത്യാ അരങ്ങേറ്റം കുറിച്ചു. തുടര്‍ന്ന് നത്തോലി ഒരു ചെറിയ മീനല്ല എന്ന ചിത്രത്തിലും നിത്യാ ഗായികയായി. ഇതിനിടെയാണ് നിത്യാ മേനോന്‍ ഗായികയായി തമിഴിലും അരങ്ങേറ്റം കുറിക്കുന്നത്. അരവിന്ദ്, ശങ്കര്‍ എന്നിവര്‍ ചേര്‍ന്നാണ് ഈ ഗാനത്തിന് സംഗീതം ഒരുക്കിയിരിക്കുന്നത്.

മലയാളത്തില്‍ മികച്ച വിജയം സ്വന്തമാക്കിയ 22 ഫീമെയില്‍ കോട്ടയത്തിന്റെ തമിഴ് പതിപ്പാണ് മാലിനി 22 പാളയംകോട്ടൈ. നിത്യാ മേനോന്‍ തന്നെയാണ് ചിത്രത്തിലെ നായിക. സത്താറിന്റെയും ജയഭാരതിയുടെയും മകനായ കൃഷ് ജെ സത്താറാണ് നായകന്‍. തമിഴ് നടി ശ്രീ പ്രിയയാണ് ചിത്രം സംവിധാനം ചെയ്യുന്നത്.

തമിഴിനൊപ്പം തെലുങ്കിലും ചിത്രം പുറത്തിറങ്ങുന്നുണ്ട്. മാലിനി 22 വിജയവാഡ എന്നാണ് തെലുങ്ക് ചിത്രത്തിനു പേരിട്ടിരിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Nithya Menon, Actress, Singer