അർദ്ധസെ‌ഞ്ച്വറിയുമായി സച്ചിന്‍ മടങ്ങി

മുംബയ്: വെസ്റ്റ് ഇന്‍ഡീസിസിനെതിരായി വാങ്കഡെ സ്‌റ്റേഡിയത്തില്‍ നടക്കുന്ന വിടവാങ്ങല്‍ ടെസ്റ്റില്‍ സെഞ്ച്വറിയിലേക്ക് കുതിയ്ക്കുകയായിരുന്ന ഇന്ത്യയുടെ സച്ചിന്‍ ടെണ്ടുല്‍ക്കറിന് കാലിടറി. 118 പന്തുകളില്‍ 12 ബൗണ്ടറികളുടെ സഹായത്തോടെയാണ് സച്ചിന്‍ 74 റണ്‍സാണ് എടുത്തത്. 38 റണ്‍സുമായി രണ്ടാം ദിനം ബാറ്റിംഗ് ആരംഭിച്ച സച്ചിന്‍ 18 പന്തുകള്‍ നേരിട്ടാണ് ടെസ്റ്റ് ക്രിക്കറ്റിലെ അറുപത്തിയെട്ടാമത്തെ അര്‍ദ്ധസെഞ്ച്വറി നേടിയത്.

ഓരോ പന്തും ശ്രദ്ധയോടെ കളിക്കുമ്പോഴാണ് ഡിയോനരൈനിന്റെ പന്തില്‍ ഡാരന്‍ സാമി പിടിച്ച് ടെണ്ടുല്‍ക്കര്‍ പുറത്തായത്. ഒരു നിമിഷം സ്‌റ്റേഡിയം തരിച്ചിരുന്ന പോയ നിമിഷമായിരുന്നു അത്. പിന്നാലെ ഗാലറിയിലേക്ക് മടങ്ങിയ സച്ചിനെ കാണികള്‍ കൈയടികളോടെയാണ് യാത്രയാക്കിയത്.

വിന്‍ഡീസിന്റെ ഒന്നാമിന്നിംഗ്‌സ് സ്‌കോറായ 182 പിന്തുടരുന്ന ഇന്ത്യ ഒടുവില്‍ റിപ്പോര്‍ട്ട് കിട്ടുന്‌പോള്‍ മൂന്ന് വിക്കറ്റ് നഷ്ടത്തില്‍ 231 റണ്‍സെടുത്തിട്ടുണ്ട്. ഇന്ത്യയ്ക്കിപ്പോള്‍ 49 റണ്‍സിന്റെ ഒന്നാമിന്നിംഗ്‌സ് ലീഡുണ്ട്. പൂജാര (65) വിരാട് കോഹ്‌ലി (5) എന്നിവരാണ് ക്രീസില്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Sachin, 74 Runs, Out