വീണ്ടും അമളി,​ സച്ചിന്റെ ഭാര്യയെ വിശേഷിപ്പിച്ചത് മിസ്റ്റര്‍ അ‌ഞ്ജലി

കൊല്‍ക്കത്ത: സച്ചിന്‍ ടെണ്ടുല്‍ക്കറിന്റെ അവസാന ടെസ്റ്റു പരമ്പരയിലെ ആദ്യ മത്സരം നടക്കുന്ന കൊല്‍ക്കത്തയിലെ ഈഡന്‍ ഗാര്‍ഡന്‍സിലെ സ്‌കോര്‍ ബോര്‍ഡിന് സമീപമുള്ള ബാനറില്‍ സച്ചിന്റെ പേര് തെറ്റിച്ച് എഴുതിയതിന് പിന്നാലെ ബംഗാള്‍ ക്രിക്കറ്റ് അസോസിയേഷന് വീണ്ടും അമളി പിണഞ്ഞു. ഇത്തവണ സച്ചിന്റെ ഭാര്യ അഞ്ജലിയാണ് ബംഗാള്‍ ക്രിക്കറ്റ് അസോസിയേഷന്റെ അബദ്ധം കൊണ്ട് വാര്‍ത്താകേന്ദ്രമായത്.

കളിക്കാര്‍ ഊണിന് പിരിഞ്ഞപ്പോള്‍ അഞ്ജലിയും മകന്‍ അര്‍ജുനും സ്‌റ്റേഡിയത്തിലെ പ്രസിഡന്റ്‌സ് ബോക്ലിസിലെത്തി. അപ്പോഴാണ് ഇലക്ട്രോണിക് സ്‌കോര്‍ബോര്‍ഡില്‍ അഞ്ജലിക്കും മകന്‍ അര്‍ജുനും സ്വാഗതമോതിക്കൊണ്ടുള്ള സന്ദേശം തെളിഞ്ഞത്. 'സ്വാഗതം മിസ്റ്റര്‍ അഞ്ജലി ടെണ്ടുല്‍ക്കര്‍, മാസ്റ്റര്‍ അര്‍ജുന്‍ ടെണ്ടുല്‍ക്കര്‍' എന്നായിരുന്നു ബോര്‍ഡിലെ വാചകം. ഒരു നിമിഷത്തിനു ശേഷം തെറ്റ് മനസിലാക്കിയ സംഘാടകര്‍ ഉടന്‍ തന്നെ തിരുത്തുകയായിരുന്നു. സച്ചിന്റെ പേരിന്റെ അവസാനം ഇ എന്ന് തെറ്റിച്ചാണ് ചൊവ്വാഴ്ച എഴുതിയിരുന്നത്. വാര്‍ത്താ സമ്മേളനത്തില്‍ സംസാരിക്കവെ ഇന്ത്യന്‍ ക്യാപ്ടന്‍ മഹേന്ദ്ര സിംഗ് ധോണിയാണ് തെറ്റ് ചൂണ്ടിക്കാട്ടിയത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Sachin, Anjali