മണ്ണാര്‍ക്കാട് ഇരട്ടക്കൊലപാതകം: പ്രതിഷേധ പ്രകടനം നടത്തി

കാസര്‍കോട്: മണ്ണാര്‍ക്കാട് രണ്ട് സുന്നി പ്രവര്‍ത്തകരെ നിഷ്ഠൂരമായി കൊലപ്പെടുത്തിയ സംഭവത്തില്‍ പ്രതിഷേധിച്ച് സുന്നീ സംഘടനകളുടെ നേതൃത്വത്തില്‍ കാസര്‍കോട് നഗരത്തില്‍ പ്രതിഷേധ പ്രകടനം നടത്തി.

സുന്നി സെന്റര്‍ കേന്ത്രീകരിച്ച് എസ്. വൈ.എസ് എസ്. എസ്. എഫ് അഭീമുഖ്യത്തില്‍ നടന്ന പ്രതിഷേധപ്രകടനം നഗരം ചുറ്റി പുതിയ ബസ്റ്റാണ്ട് പരിസരത്ത് സമാപിച്ചു. ജില്ലയിലടക്കം സംസ്ഥാനത്തിന്റെ വിവിധ ഭാഗങ്ങളില്‍ സുന്നിപ്രവര്‍ത്തകര്‍ക്കും സ്ഥാപനങ്ങള്‍ക്കുമെതിരെ നടത്തുന്ന അക്രമങ്ങളില്‍ സുന്നി പ്രവര്‍ത്തകര്‍ ശക്തിയായി പ്രതിഷേധിച്ചു. 

പ്രകടനത്തിന് പള്ളങ്കോട് അബ്ദുല്‍ ഖാദിര്‍ മദനി, സുലൈമാന്‍ കരിവെള്ളുര്‍, അബ്ദുല്‍ ഹമീദ് മൗലവി ആലംപാടി, ബഷീര്‍ മങ്കയം, ഖാദര്‍ സഖാഫി മൊഗ്രാല്‍, അശ്‌റഫ് കരിപ്പൊടി, അബ്ദുല്‍ ഖാദ്ര്‍ സഖാഫി കാട്ടിപ്പാറ, അബ്ദുല്‍ റസ്സാഖ് സഖാഫി കോട്ടക്കുന്ന്, അന്തുഞ്ഞി മൊഗര്‍, ഉമര്‍ സഖാഫി ഊജംപദവ്, കന്തല്‍ സൂപ്പി മദനി, സി. എന്‍ ജാഫര്‍ സാദിഖ്, സിദ്ദീഖ് പൂത്തപ്പലം, ഫാറൂഖ് കുബണൂര്‍ നേതൃത്വം നല്‍കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News