മാധ്യമ പ്രവര്‍ത്തകര്‍ക്ക് നേരെയുണ്ടാകുന്ന ആക്രമത്തില്‍ പ്രതിഷേധിച്ച് നഗരത്തില്‍ പ്രകടനം

കാസര്‍കോട്: മാധ്യമ പ്രവര്‍ത്തകരെ അക്രമിച്ചതില്‍ നഗരത്തില്‍ പ്രതിഷേധം. പ്രകടനമായെത്തിയ മാധ്യമ പ്രവര്‍ത്തകരെ അഭിവാദ്യം ചെയ്യാന്‍ ജില്ലയിലെ എല്ലാ രാഷ്ട്രീയ, ട്രേഡ് യൂണിയന്‍ നേതാക്കളും എത്തി. നിരന്തരം നടക്കുന്ന അക്രമത്തിനെതിരെ കര്‍ശന നടപടി സ്വീകരിക്കണമെന്ന് നേതാക്കളും മാധ്യമ പ്രവര്‍ത്തകരും പോലീസിനോട് ആവശ്യപ്പെട്ടു.

ദേശാഭിമാനി സീനിയര്‍ റിപോര്‍ട്ടര്‍ മുഹമ്മദ് ഹാഷിമിനെ അക്രമിച്ചതിലും മനോരമ ലേഖകന്‍ ചന്ദ്രമോഹന്റെ വീട് അക്രമിച്ചതിലും പ്രതിഷേധിച്ചാണ് മാധ്യമ പ്രവര്‍ത്തകര്‍ പ്രതിഷേധ പ്രകടനം നടത്തിയത്. പ്രസ്‌ക്ലബ്ബില്‍ നിന്നാരംഭിച്ച പ്രകടനം പഴയ ബസ് സ്റ്റാന്‍ഡ് പോസ്‌റ്റോഫീസ് പരിസരത്ത് സമാപിച്ചു.

യോഗത്തില്‍ പ്രസ്‌ക്ലബ് പ്രസിഡന്റ് എം.ഒ വര്‍ഗീസ് അധ്യക്ഷത വഹിച്ചു. കെ.പി.സി.സി സെക്രട്ടറി കെ നീലകണ്ഠന്‍, സി.ഐ.ടി.യു ജില്ലാ ജനറല്‍ സെക്രട്ടറി ടി.കെ രാജന്‍, എസ്.ടി.യു സംസ്ഥാന വൈസ് പ്രസിഡന്റ് എ. അബ്ദുര്‍ റഹ്മാന്‍, സി.പി.ഐ നേതാവ് വി. രാജന്‍, ആര്‍.എസ്.പി ജില്ലാസെക്രട്ടറി ഹരീഷ് ബി നമ്പ്യാര്‍, ബി.ജെ.പി ജില്ലാ ജനറല്‍ സെക്രട്ടറി കെ. ശ്രീകാന്ത്, നാഷണല്‍ ലീഗ് ജില്ലാ ജനറല്‍ സെക്രട്ടറി അസീസ് കടപ്പുറം, ഐ.എന്‍.ടി.യു.സി നേതാവ് കെ.വി ദാമോദരന്‍, യൂത്ത്‌ലീഗ് ജില്ലാപ്രസിഡന്റ് മൊയ്തീന്‍ കൊല്ലമ്പാടി, കേന്ദ്രജീവനക്കാരുടെ കോ- ഓര്‍ഡിനേഷന്‍ നേതാവ് പി.വി രാജേന്ദ്രന്‍, സൂപ്പി വാണിമേല്‍ എന്നിവര്‍ സംസാരിച്ചു. പ്രസ്‌ക്ലബ് സെക്രട്ടറി ഉണ്ണികൃഷ്ണന്‍ പുഷ്പഗിരി സ്വാഗതവും വൈസ് പ്രസിഡന്റ് വി.വി പ്രഭാകരന്‍ നന്ദിയും പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News