ഉബൈദ് ലൈബ്രറി കെട്ടിടോദ്ഘാടനം മന്ത്രി എം കെ മുനീര്‍ നിര്‍വ്വഹിച്ചു

തളങ്കര : കവിയും അധ്യാപകനും വിവര്‍ത്തകനും സാമൂഹ്യപരിഷ്‌ക്കര്‍ത്താവുമായ ടി ഉബൈദിന്റെ നാമധേയത്തില്‍ പള്ളിക്കാലില്‍ പ്രവര്‍ത്തിച്ചുവരുന്ന ഉബൈദ് ലൈബ്രറി ആന്റ് റീഡിംഗ് റൂമിന്റെ നവീകരിച്ച കെട്ടിടത്തിന്റെ ഉദ്ഘാടനവും പൂങ്കുയിലിന്റെ ഓര്‍മ്മയ്ക്ക് എന്ന ഉബൈദിന്റെ ഓര്‍മ്മ പുസ്തക പ്രകാശനവും തദ്ദേശ സ്വയംഭരണ വകുപ്പ് മന്ത്രി എം കെ മുനീര്‍ നിര്‍വ്വഹിച്ചു.

ചടങ്ങില്‍ വ്യവസായി യഹിയ തളങ്കര അധ്യക്ഷത വഹിച്ചു. എന്‍ എ നെല്ലിക്കുന്ന് എം എല്‍ എ, നഗരസഭാ ചെയര്‍മാന്‍ ടി ഇ അബ്ദുല്ല, സീഡ്‌കോ ചെയര്‍മാന്‍ സി ടി അഹമ്മദലി, ലീഗ് ജില്ലാ ജനറല്‍ സെക്രട്ടറി എ അബ്ദുല്‍റഹ്മാന്‍ തുടങ്ങിയവര്‍ സംസാരിച്ചു.

ഉദ്ഘാടനത്തോടനുബന്ധിച്ച് ഖുര്‍ ആന്‍ ഹാഫിസ് വിദ്യാര്‍ത്ഥികളുടെ മെഹബിലെ ഖുര്‍ആന്‍ സദസ്സും നടന്നു. ആതുരൃ-വിദ്യാഭ്യസ-പൊതുരംഗത്ത് മികച്ച സംഭാവനകള്‍ അര്‍പ്പിച്ച ഡോ. എം ഡി ബല്ലാള്‍, ഡോ. ഇസ്മയില്‍ ശിഹാബുദ്ദിന്‍, ദില്‍റൂബ അബ്ദുല്ല, ഹാഫിസ് മുനീബ് ഹുസൈന്‍, ഹാഫിസ് ഷാക്കിറുദ്ദിന്‍ എന്നിവര്‍ക്ക് ചടങ്ങില്‍ ഉബൈദ് പുരസ്‌കാരം നല്‍കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News.