പ്രസ്‌ ക്ലബ്ബില്‍ സര്‍ക്കസ്‌ കലാകാരനെ ആദരിച്ചു

കാസര്‍കോട്‌ : സൊസൈറ്റി ഫോര്‍ പ്രമോഷന്‍ ഓഫ്‌ സര്‍ക്കസിന്റെ നേതൃത്വത്തില്‍ കലാകാരനായ ഷേര്‍ ആലിഖാനെ പ്രസ്സ്‌ ക്ലബ്ബില്‍ ആദരിച്ചു. ഷേര്‍ ആലിഖാനെ പി കരുണാകരന്‍ എം പി പൊന്നാട അണിയിച്ച്‌ സര്‍ട്ടിഫിക്കറ്റ്‌ വിതരണം ചെയ്‌ത്‌ ആദരിച്ചു.

ഭാരോദ്വാഹനത്തില്‍ തന്റേതായ കഴിവു തെളിയിച്ച ഷേര്‍ ആലിഖാന്‍ 300 കിലോഗ്രാമിലേറെ ഭാരമാണ്‌ ഉയര്‍ത്തുന്നത്‌. നിരവധി സര്‍ക്കസുകളില്‍ കരാര്‍ അടിസ്ഥാനത്തില്‍ ജോലി ചെയ്‌തുവരുന്ന ഈ കലാപ്രതിഭ ഉസ്‌ബക്കിസ്ഥാന്‍ സ്വദേശിയാണ്‌. മൂന്നു വയസുമുതല്‍ സര്‍ക്കസ്‌ രംഗത്ത്‌ പ്രകടനം നടത്തി വരുന്ന ഷേര്‍ ആലിഖാനു ഇപ്പോള്‍ 27 വയസു പ്രായമുണ്ട്‌. 

ഭാര്യ നോദിറ, ജെമിനി സര്‍ക്കസ്‌ കോ-ഓര്‍ഡിനേറ്റര്‍ ശ്രീഹരി നായര്‍ എന്നിവരും സംബന്ധിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News