കുമ്പള സംയുക്ത ഖാസി സ്ഥാനാരോഹണം 27ന്

കാസര്‍കോട്: കുമ്പള മേഖല സംയുക്ത ഖാസിയായി കാസര്‍കോട് സംയുക്ത ജമാഅത്ത് ഖാസി കൂടിയായ പ്രൊഫ. കെ.ആലിക്കുട്ടി മുസ്‌ല്യാര്‍ വെള്ളിയാഴ്ച സ്ഥാനമേല്ക്കും. കുമ്പള, പുത്തിഗെ പഞ്ചായത്തുകളിലെ 30 ജമാ അത്തുകള്‍ ഉള്‍ക്കൊള്ളുന്നതാണ് കുമ്പള മേഖല സംയുക്ത ജമാഅത്ത്. വൈകിട്ട് നാലിന് കുമ്പള ബദര്‍ ജുമാ മസ്ജിദ് പരിസരത്ത് പ്രത്യേകം സജ്ജമാക്കിയ ഖാസി ടി.കെ.എം.ബാവ മുസ്‌ല്യാര്‍ നഗറിലാണ് ചടങ്ങ്. സമസ്ത ഖജാന്‍ജി ഖാസി സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ പുതിയ ഖാസിക്ക് തലപ്പാവണിയിക്കും.

ഉച്ചയ്ക്ക് രണ്ടിന് കെ.എസ്.അലി തങ്ങള്‍ കുമ്പോല്‍ പതാക ഉയര്‍ത്തും. 2.30ന് നിയുക്ത ഖാസി പ്രൊഫ. ആലിക്കുട്ടി മുസ്‌ല്യാരെ മൊഗ്രാല്‍ ലീഗ് ഓഫീസ് പരിസരത്തുനിന്ന് വാഹനങ്ങളുടെ അകമ്പടിയോടെ ആനയിക്കും. മഖാം സിയാറത്തിന് മഞ്ചേശ്വരം മേഖലാ സംയുക്ത ജമാ അത്ത് പ്രസിഡന്റ് സയ്യിദ് അതാവുള്ള തങ്ങള്‍ ഉദ്യാവര്‍ നേതൃത്വം നല്‍കും.

പത്രസമ്മേളനത്തില്‍ സമസ്ത കേന്ദ്ര മുശാവറ അംഗം യു.എം.അബ്ദുള്‍റഹ്മാന്‍ മൗലവി, സ്വാഗതസംഘം ചെയര്‍മാന്‍ കെ.എ.ഹമീദ്, ജനറല്‍ കണ്‍വീനര്‍ സയ്യിദ് ഹാദി തങ്ങള്‍, കുമ്പള മേഖല സംയുക്ത ജമാ അത്ത് വര്‍ക്കിങ് പ്രസിഡന്റ് എം.ഖാലിദ് ഹാജി, സുല്‍ത്താന്‍ കുഞ്ഞഹമ്മദ് ഹാജി, കണ്ണൂര്‍ അബ്ദുള്ള മാസ്റ്റര്‍, ബി.എച്ച്.ഖാലിദ്, ടി.കെ.അന്‍വര്‍ എന്നിവര്‍ പങ്കെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News