മറ്റൊരു വിവാഹത്തിന് തുനിഞ്ഞ കാമുകിയുടെ നാവും ചുണ്ടും വിവാഹദിവസം യുവാവ് കടിച്ച് മുറിച്ചു

ബെര്‍ഹാംപുര്‍ : തന്നെ കൈയൊഴിഞ്ഞ് മറ്റൊരു വിവാഹത്തിന് തുനിഞ്ഞ കാമുകിയുടെ നാവും ചുണ്ടും വിവാഹദിവസം യുവാവ് കടിച്ച് മുറിച്ചു. ഒഡിഷയിലെ ഗഞ്ചാം ജില്ലയിലെ ബഞ്ചാനഗറിലാണ് സംഭവം. യുവതിയെ ആക്രമിച്ച ജിലിബ സ്വദേശിയായ സുകാന്തകുമാര്‍ സ്വെയ്ന്‍ ഇപ്പോള്‍ പോലീസ് കസ്റ്റഡിയിലാണ്. ഇയാള്‍ വിവാഹിതനും രണ്ട് കുട്ടികളുടെ അച്ഛനുമാണ്.

വിവാഹത്തിന് കുടുംബത്തോടൊപ്പം വരന്റെ വീട്ടിലേയ്ക്ക് പോകുമ്പോഴാണ് സ്വെയ്ന്‍ ഇരുപതിയേഴുകാരിയായ തന്റെ മുന്‍ കാമുകിയെ വഴിയില്‍ തടഞ്ഞുനിര്‍ത്തി ആക്രമിച്ചത്. വഴിയരികില്‍ നിര്‍ത്തിയിട്ട വാഹനത്തില്‍ തനിച്ചിരിക്കുകയായിരുന്ന യുവതിയെ ആക്രമിച്ച ഇയാള്‍ നാക്കും കവിളും ഇയാള്‍ കടിച്ചുമുറിക്കുകയായിരുന്നു. ആക്രമണത്തില്‍ യുവതിയുടെ നാവ് രണ്ടു കഷ്ണമായി മുറിഞ്ഞു. ആക്രമണത്തിനുശേഷം ഓടി രക്ഷപ്പെടാന്‍ ശ്രമിച്ച ഇയാളെ നാട്ടുകാര്‍ പിന്തുടര്‍ന്ന് പിടിച്ച് പോലീസില്‍ ഏല്‍പിക്കുകയാണുണ്ടായത്. ബഞ്ച്‌നഗര്‍ സബ് ഡിവിഷന്‍ ആസ്പത്രിയില്‍ വച്ച്, ശസ്ത്രക്രിയയിലൂടെ നാക്കും ചുണ്ടും തുന്നിച്ചേര്‍ത്തശേഷം രാത്രി തന്നെ വിവാഹം നടത്തി.

തന്റെ സഹോദരന്റെ മരണത്തെിനുശേഷം സഹോദരഭാര്യയെ വിവാഹം കഴിച്ച സ്വെയ്ന്‍ കാമുകിയുടെ വിവാഹം നിശ്ചയിച്ച വിവരം അറിഞ്ഞതുമുതല്‍ രോഷാകുലനാണ്. ഇയാളെ പേടിച്ചാണ് യുവതിയുടെ വീട്ടുകാര്‍ വിവാഹം വരന്റെ ഗ്രാമത്തില്‍ വച്ചു നടത്താന്‍ തീരുമാനിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Love, Police, Case