ഡി വൈ എഫ് ഐ കളക്ടറേറ്റ് വളയല്‍ : ജാഥ പ്രയാണം ആരംഭിച്ചു

കാസര്‍കോട്: നിയമന നിരോധനം, അഴിമതി, വിലക്കയറ്റം തുടങ്ങിയ വിഷയങ്ങളുയര്‍ത്തി ഡിവൈഎഫ്‌ഐ ജില്ലാ കമ്മിറ്റിയുടെ നേതൃത്വത്തില്‍ 23ന് നടത്തുന്ന കളക്‌ട്രേറ്റ് വളയല്‍ സമരത്തിനായി സമരവളണ്ടിയര്‍മാര്‍ യൂണിറ്റുകളില്‍ നിന്ന് ജാഥാ പ്രയാണം ആരംഭിച്ചു. 

യൂണിറ്റുകളില്‍ നിന്ന് ചെറു പ്രകടനങ്ങളായാണ് സമരവളണ്ടിയര്‍മാര്‍ എത്തുന്നത്. രാത്രിയോടെ കാസര്‍കോടും പരിസര പ്രദേശങ്ങളിലുമായി സമര വളണ്ടിയര്‍മാര്‍ക്കായി ഏര്‍പ്പെടുത്തിയിട്ടുള്ള ക്യാമ്പുകളില്‍ എത്തിച്ചേരും. 

ബെള്ളിക്കോത്ത്, ഉദുമ, പാലക്കുന്ന്, കോളിയടുക്കം, പെരുമ്പള, ഇരിയണ്ണി, ബോവിക്കാനം, എടനീര്‍, ചെങ്കള, പാടി, കാസര്‍കോട് മുന്‍സിപ്പാലിറ്റി, മൊഗ്രാല്‍പുത്തൂര്‍ എന്നിവിടങ്ങളിലാണ് വളണ്ടിയര്‍മാര്‍ക്കായി ക്യാമ്പുകള്‍ സജ്ജീകരിച്ചിരിക്കുന്നത്. വളണ്ടിയര്‍മാര്‍ ക്യാമ്പുകളില്‍ നിന്ന് അതിരാവിലെ പുറപ്പെട്ട് 6 മണിയോടെ സമര കേന്ദ്രത്തിലെത്തി സമരം ആരംഭിക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News