Latest News

ഉദുമയില്‍ വീണ്ടും അക്രമം: പത്രഎജന്റിന്റെ കൈയ്യും കാലും തല്ലിയൊടിച്ചു


ഉദുമ: സംഘര്‍ഷം നിലനില്‍ക്കുന്ന ഉദുമയില്‍ ശക്തമായ പോലീസ് കാവല്‍ തുടരുന്നതിനിടയില്‍ വീണ്ടും അക്രമം. പാക്യാര കുന്നുമ്മലിലെ സി.പി.എം പ്രവര്‍ത്തകനും പരേതനായ കുമാരന്റെ മകനും പത്രവിതരണക്കാരനുമായ രാജേഷ് (25) ന് നേരെയാണ് ഞായറാഴ്ച പുലര്‍ച്ചെ 4 മണിയോടെ അക്രമമുണ്ടായത്.

പത്രമെടുക്കാന്‍ പാലക്കുന്നിലേക്ക് പോകുന്നതിനിടയില്‍ കരിപ്പോടി ഗ്രീന്‍വുഡ്‌സ് സ്‌കൂളിന് സമീപത്ത് വെച്ചാണ് ഒരു സംഘം തടഞ്ഞു നിര്‍ത്തി അക്രമിച്ചത്.
തലയ്ക്കും കാലിനും കൈയ്ക്കും ഗുരുതരായി പരിക്കേററ രാജേഷിനെ കാസര്‍കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
വെളളിയാഴ്ച രാത്രി 11 മണിയോടെ പാക്യാര കുന്നുമ്മലില്‍ വെച്ച് ലീഗ് പ്രവര്‍ത്തകന്‍ എരോലിലെ സുലൈമാന്റെ മകന്‍ അബ്ദുവിന് നേരെ മുഖം മൂടി അക്രമമുണ്ടായതതോടെയാണ് ഒരു ഇടവേളയ്ക്ക് ശേഷം ഉദുമയില്‍ രാഷ്ട്രീയ സംഘര്‍ഷം ഉടലെടുത്തത്. ഇതേ തുടര്‍ന്ന് ഉദുമ, നാലാവാതുക്കല്‍, പാക്യാര തുടങ്ങിയ സ്ഥലങ്ങളില്‍ ശക്തമായ പോലീസ് കാവല്‍ ഏര്‍പ്പെടുത്തിയിരുന്നു. ഇതിനിടയിലാണ് വീണ്ടും അക്രമമുണ്ടായത്.


Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News.

No comments:

Post a Comment

Copyright © 2019 MALABAR FLASH | Design & Maintained by KSDM

Powered by Blogger.