മാരത്തണിലൂടെ മഞ്‌ജു വാര്യര്‍ വെള്ളിത്തിരയില്‍ മടങ്ങിയെത്തി

കൊച്ചി: പ്രഥമ മാരത്തണിലൂടെ രാജ്യാന്തര മാരത്തണ്‍ ഭൂപടത്തില്‍ കൊച്ചി ഇടം പിടിച്ചപ്പോള്‍ അതേവേദിയില്‍ ഓടിയ മലയാളികളുടെ പ്രിയ നായിക മഞ്‌ജുവാര്യര്‍ വെള്ളിത്തിരയിലേക്ക്‌ മടങ്ങിയെത്തി. പതിനാലു വര്‍ഷത്തിനു ശേഷമുള്ള മഞ്‌ജുവിന്റെ ആദ്യ ഷോട്ട്‌ നിരുപമ രാജീവ്‌ എന്ന കഥാപാത്രത്തിന്റെ മാരത്തണ്‍ ഓട്ടമായിരുന്നു.

റോഷന്‍ ആന്‍ഡ്രൂസ്‌ സംവിധാനം ചെയ്യുന്ന ഹൗ ഓള്‍ഡ്‌ ആര്‍ യൂ? എന്ന ചിത്രത്തിലാണ്‌ റവന്യു വകുപ്പിലെ ഉദ്യോഗസ്‌ഥയായ നിരുപമ രാജീവ്‌ എന്ന കഥാപാത്രത്തെ മഞ്‌ജു അവതരിപ്പിക്കുന്നത്‌. ഹെലികാം ഉള്‍പ്പടെ പത്തോളം കാമറകളുപയോഗിച്ച്‌ ഛായാഗ്രാഹകന്‍ ആര്‍. ദിവാകര്‍ ആണ്‌ രംഗങ്ങള്‍ പകര്‍ത്തിയത്‌.

ബോബി-സഞ്‌ജയ്‌ ടീം തിരക്കഥയൊരുക്കുന്ന ചിത്രത്തിന്റെ തുടര്‍ചിത്രീകരണം ഫെബ്രുവരിയില്‍ തിരുവനന്തപുരത്തു നടക്കും. കുഞ്ചാക്കോ ബോബനാണു നായകന്‍. ലിസ്‌റ്റിന്‍ സ്‌റ്റീഫനാണ്‌ നായികാകേന്ദ്രീകൃതമായ ഈ സിനിമയുടെ നിര്‍മാതാവ്‌.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Manju Warrier, Movie