വീല്‍ചെയറില്‍ നിന്ന് വീണ് ജഗതിക്ക് പരിക്ക്

കോട്ടയം: ചലച്ചിത്രനടന്‍ ജഗതി ശ്രീകുമാറിന് വീല്‍ചെയറില്‍നിന്ന് വീണു തലയ്ക്ക് പരിക്ക്. കാഞ്ഞിരപ്പള്ളിയിലുള്ള ഭാര്യയുടെ വീട്ടില്‍വച്ച് വ്യാഴാഴ്ച വൈകീട്ട് എട്ടുമണിയോടെയാണു സംഭവം. 

വീല്‍ചെയറില്‍നിന്ന് എഴുന്നേല്‍ക്കാന്‍ ശ്രമിക്കുമ്പോള്‍ തെന്നി സമീപത്തു കിടന്ന സ്റ്റാന്‍ഡില്‍ തലയിടിക്കുകയായിരുന്നു. തുടര്‍ന്ന് ജഗതിയെ കാഞ്ഞിരപ്പള്ളിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തലയ്ക്കുള്ള പരിക്ക് ഗുരുതരമല്ലാത്തതിനാല്‍ രാത്രിതന്നെ ആശുപത്രി വിടുമെന്ന് മരുമകന്‍ ഷോണ്‍ ജോര്‍ജ് അറിയിച്ചു. 

രണ്ടുദിവസം മുമ്പാണ് ജഗതി കാഞ്ഞിരപ്പള്ളിയിലെ വീട്ടിലെത്തിയത്. ആശുപത്രിയില്‍ ജഗതിയോടൊപ്പം മകള്‍ പാര്‍വതിയും ഭര്‍ത്താവ് ഷോണുമുണ്ട്. 

2012 മാര്‍ച്ചില്‍ കോഴിക്കോട്ടുവച്ചുണ്ടായ കാറപകടത്തില്‍ ഗുരുതരമായി പരിക്കേറ്റ ജഗതി ഏറെനാളായി ചികില്‍സയിലാണ്. പുലര്‍ച്ചെ അഞ്ചരയോടെ കാലിക്കറ്റ് സര്‍വകലാശാലയ്ക്ക് അടുത്ത് പാണമ്പ്ര വളവില്‍ ജഗതി ശ്രീകുമാര്‍ സഞ്ചരിച്ച കാര്‍ ഡിവൈഡറില്‍ ഇടിച്ചു കയറിയാണ് അപകടമുണ്ടായത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News