കണ്ണൂര്‍ സെന്‍ട്രല്‍ ജയിലില്‍ ക്രിസ്മസ് ആഘോഷിക്കാന്‍കൊണ്ടുവന്ന മദ്യം പിടികൂടി

കണ്ണൂര്‍ : ക്രിസ്മസ് ആഘോഷിക്കാന്‍ സെന്‍ട്രല്‍ ജയിലിന്റെ മതിലിനുമുകളിലൂടെ തടവുകാര്‍ക്ക് എറിഞ്ഞുകൊടുത്ത മദ്യം പിടികൂടി. കുടിവെള്ളക്കുപ്പികളില്‍ നിറച്ചാണ് മദ്യം തടവുകാര്‍ക്ക് എറിഞ്ഞുകൊടുത്തത്. വാര്‍ഡന്മാര്‍ നടത്തിയ പരിശോധനയില്‍ നാലുകുപ്പി മദ്യം കണ്ടെത്തിയിട്ടുണ്ട്.

രാഷ്ട്രീയത്തടവുകാര്‍ അടങ്ങുന്ന സെല്ലിലാണ് മദ്യം കണ്ടെത്തിയത്. പിടിച്ചെടുത്ത മദ്യം ഉദ്യോഗസ്ഥര്‍ നശിപ്പിച്ചു. നിറമില്ലാത്ത വോഡ്ക മദ്യമാണ് കുപ്പികളില്‍ നിറച്ചിരുന്നത്. നിറമില്ലാത്തതിനാല്‍ കുടിവെള്ളക്കുപ്പികളില്‍ ഒഴിച്ചുവെച്ചാല്‍ പിടിക്കില്ലെന്നായിരുന്നു തടവുകാരുടെ പ്രതീക്ഷ. എന്നാല്‍ പറമ്പില്‍ ഒഴിഞ്ഞ മദ്യക്കുപ്പികള്‍ കണ്ടെത്തിയതോടെ വാര്‍ഡന്മാര്‍ പരിശോധന നടത്തുകയായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Alcohol, Kannur Central, Police