നീര്‍ച്ചാല്‍ മഹാജന സ്‌കൂള്‍ ശതമാനോത്സവത്തിന് ഉജ്ജ്വല തുടക്കം

കാസര്‍കോട്: നീര്‍ച്ചാല്‍ മഹാജന സ്‌കൂള്‍ ശതമാനോത്സവത്തിന് ഉജ്ജ്വല തുടക്കം. സാംസ്‌കാരിക പരിപാടികളോടനുബന്ധിച്ചു ശതമാനോത്സവ കെട്ടിടോദ്ഘാടനം ഉത്സവാന്തരീക്ഷത്തില്‍ ഐ എസ് ആര്‍ ഒ ചെയര്‍മാന്‍ ഡോ. രാധാകൃഷ്ണന്‍ നിര്‍വ്വഹിച്ചു. ചെന്നൈ അപ്പോളോ ഹോസ്പിറ്റല്‍ എം ഡി പ്രീത റെഡ്ഡി അധ്യക്ഷത വഹിച്ചു.

  

ശ്രീ ശ്രീ കേശവാനന്ദ ഭാരതി സ്വാമിജി അനുഗ്രഹ പ്രഭാഷണം നടത്തി. ചടങ്ങില്‍ ജ്യോതിഷ രത്‌ന ബേള പത്മനാഭ ശര്‍മ്മയെ ആദരിച്ചു. പത്മശ്രീ കെ കൃഷ്ണകുമാര്‍, എം ഷെരീഫ്, വസന്തപൈ തുടങ്ങിയവര്‍ സംസാരിച്ചു.

21 നു നടക്കുന്ന സാംസ്‌കാരിക പരിപാടിയില്‍ പൂര്‍വ്വ വിദ്യാര്‍ത്ഥികളുടെ യക്ഷഗാനം അരങ്ങേറും. ഉച്ചയ്ക്ക് 3 മണിക്ക് നടക്കുന്ന ഷൈക്ഷണിക സംഗമവും വാര്‍ഷികോത്സവവും ജില്ലാ കളക്ടര്‍ പി എസ് മുഹമ്മദ് സഗീര്‍ ഉദ്ഘാടനം ചെയ്യും. ബി ജയകുമാര്‍ അധ്യക്ഷത വഹിക്കും. 

22 നു നടക്കുന്ന പൂര്‍വ്വ അധ്യാപകവിദ്യാര്‍ത്ഥി സംഗമത്തില്‍ ബ്രഹ്മശ്രീ വേദമൂര്‍ത്തി മാധവ ഉപാധ്യായ ബള്ളപദവ് മുഖ്യാതിഥിയായിരിക്കും. ഡോ. ഡി സദാശിവ ഭട്ട് അധ്യക്ഷത വഹിക്കും. വൈകുന്നേരം നാലുമണിക്ക് നടക്കുന്ന സമാപന സമ്മേളനം കെ എന്‍ രാധാകൃഷ്ണന്‍ ഉദ്ഘാടനം ചെയ്യും. യു ടി ആള്‍വ അധ്യക്ഷത വഹിക്കും. കാവ്യമാധവന്‍ മുഖ്യാതിഥിയായിരിക്കും. ചടങ്ങില്‍ മാസ്റ്റര്‍ കയ്യാര്‍ കിഞ്ഞണ്ണ റൈ, കെ വി രമേശ് എന്നിവരെ ആദരിക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News