കൂട്ടുകാരിയോടൊപ്പമാണ് താവോ ഷോപ്പിംഗ് മാളിലെത്തിയത്. മാളിലെ കടകളില് കയറിയിറങ്ങിയ ഇരുവരും ചേര്ന്ന് സാധനങ്ങള് വാങ്ങിക്കൂട്ടി. അഞ്ചുമണിക്കൂര് നീണ്ട ഷോപ്പിംഗ് കഴിഞ്ഞപ്പോള് അയാള് തളര്ന്നു. ഇനി ഷോപ്പിംഗ് മതിയാക്കി വീട്ടിലേക്ക് പോകാമെന്ന് താവോ പറഞ്ഞു. പക്ഷേ, കാമുകി അതിനുവഴങ്ങിയില്ല. മാളില് തന്നെയുള്ള മറ്റൊരുകടയില് ഷൂ വിലകുറച്ചുകൊടുക്കുന്നുവെന്നും അവിടെക്കൂടി പോയശേഷം വീട്ടിലേക്ക് പോകാമെന്നും യുവതി പറഞ്ഞു.
കൊണ്ടുപോകാനൊക്കുന്നതിനെക്കാള് സാധനം ഇപ്പോള് തന്നെവാങ്ങിയെന്നും ജീവിതകാലം മുഴുവന് ഇടാനുള്ള ഷൂ ഇപ്പോള് തന്നെകൈവശമില്ലേയെന്നും യുവാവ് ചോദിച്ചു. അതോടെ യുവതി ശരിക്കും വയലന്റായി. താവോ അറുപിശുക്കനാണെന്നും തന്നോട് സ്നേഹമില്ലെന്നും ഈ വര്ഷത്തെ ക്രിസ്മസ് കുളമാക്കി എന്നുംപറഞ്ഞ് യുവതി ബഹളം വച്ചു. തുടര്ന്ന് ഇരുവരും തമ്മില് ചൂടേറിയ തര്ക്കമായി. ഇതുകണ്ട് ആളുകള് ഇവര്ക്കുചുറ്റും കൂടി.
തര്ക്കത്തിനൊടുവില് ബാഗുകള് വലിച്ചെറിഞ്ഞശേഷം മാളിലെ ഏഴാംനിലയില് നിന്ന് യുവാവ് പൊടുന്നനെ താഴേക്ക് ചാടി. മാളിന്റെ മുറ്റത്തൊരുക്കിയിരുന്ന അലങ്കാരങ്ങള്ക്ക് മുകളിലാണ് അയാള് വീണത്. ഉടന് ആശുപത്രയിലെത്തിച്ചെങ്കിലും ജീവന് രക്ഷിക്കാനായില്ല.യുവതിയെക്കുറിച്ചുള്ള കൂടുതല് വിവരങ്ങള് വെളിപ്പെടുത്തിയിട്ടില്ല.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Dead Body, Suiside,
No comments:
Post a Comment