25 ന് എരോലില്‍ സൗജന്യ നേത്ര പരിശോധന ക്യാമ്പ്

ഉദുമ: എരോല്‍ തണല്‍ ചാരിററബിള്‍ ട്രസ്റ്റ്, വിഷന്‍ കെയര്‍ ഓപ്റ്റിക്കല്‍സ് കാസര്‍കോടിന്റെ സഹകരണത്തോടെ സംഘടിപ്പിക്കുന്ന സൗജന്യ നേത്ര പരിശോധന ക്യാമ്പ് ഡിസംബര്‍ 25 ബുധനാഴ്ച രാവിലെ 9 മണി മുതല്‍ എരോല്‍ പാലസില്‍ നടക്കും.
ക്യാമ്പില്‍ വെച്ച് നിര്‍ദ്ധനരായ 20 പേര്‍ക്ക് സൗജന്യ കണ്ണട വിതരണവും 5 പേര്‍ക്ക് സൗജന്യ തിമിര ശസ്ത്രക്രിയയ്ക്കുളള സൗകര്യവും ചെയ്തു കൊടുക്കും.

പരിപാടിയുടെ ഉദ്ഘാടനം ട്രസ്റ്റ് രക്ഷാധികാരി അഡ്വ.എം.സി ജോസ് നിര്‍വ്വഹിക്കും. ചെയര്‍മാന്‍ ബങ്കണ ഹസ്സന്‍ ഹാജി അധ്യക്ഷത വഹിക്കും. കെ.എ മുഹമ്മദാലി സൗജന്യ കണ്ണട വിതരണത്തിന്റെ ഉദ്ഘാടനം നിര്‍വ്വഹിക്കും.

ട്രസ്റ്റ് രക്ഷാധികാരികളായ ഹാജി സി.എച്ച് മുഹമ്മദ് ഇഞ്ചിനീയര്‍, ഡോ. നാസിഹ് അഹമ്മദ് സി.എല്‍, അബ്ദുല്‍ ഖാദിര്‍ ഹാജി മുല്ലച്ചേരി, പി.മുഹമ്മദ് കുഞ്ഞി ഹാജി എരോല്‍, ഹമീദ് മാങ്ങാട്, കാപ്പില്‍ കെ.ബി.എം ഷെരീഫ്, ബി. നാരായണന്‍ തുടങ്ങിയവര്‍ ആശംസകള്‍ അര്‍പ്പിക്കും

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News