ട്രെയിനില്‍ സ്ത്രീകളുടെ ഫോട്ടോയെടുത്ത അധ്യാപകന്‍ അറസ്റ്റില്‍

കാസര്‍കോട്: ട്രെയിനില്‍ യുവതിയുടെയും രണ്ട് പെണ്‍മക്കളുടെയും ചിത്രം മൊബൈല്‍ഫോണില്‍ പകര്‍ത്തിയ അധ്യാപകന്‍ അറസ്റ്റില്‍. ചൊവ്വാഴ്ച രാവിലെ മംഗലാപുരം-കോയമ്പത്തൂര്‍ ഫാസ്റ്റ് പാസഞ്ചര്‍ ട്രെയിനിലാണ് സംഭവം. കുമ്പള സ്വദേശിയായ അദ്ധ്യാപകന്‍ ചന്ദ്രഹാസി(51)നെയാണ് റെയില്‍വേ പോലിസ് പിടികൂടിയത്. മംഗലാപുരത്തുനിന്ന് കോയമ്പത്തൂരിലേക്ക് പോവുകയായിരുന്ന ട്രെയിനില്‍ കുമ്പളയില്‍ നിന്നാണ് യുവതിയും മക്കളും കയറിയത്.

കൊയിലാണ്ടിയില്‍ താമസക്കാരായ ഇവര്‍ കുമ്പളയിലെ ബന്ധുവീട്ടിലെത്തി മടങ്ങവെയാണ് സംഭവം. ഫോട്ടോയെടുത്തതായി ശ്രദ്ധയില്‍പ്പെട്ട യുവതിയും മക്കളും ബഹളംവച്ചതോടെ സഹയാത്രികര്‍ ഇടപ്പെടുകയും അധ്യാപകനെ കാസര്‍കോട് റെയില്‍വേ പോലിസിന് കൈമാറുകയുമായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News