ഡിജിറ്റൽ ലോകം തുറക്കുന്ന മെഗാ കേബിള്‍ ഫെസ്റ്റ് തുടങ്ങി

കൊച്ചി: ഡിജിറ്റല്‍ സാങ്കേതികതയിലെ ഏറ്റവും പുതിയ ഉത്പന്നങ്ങളും സേവനങ്ങളും പരിചയപ്പെടുത്തുന്ന ബ്രോഡ്കാസ്റ്റ് ആന്‍ഡ് കേബിള്‍ ടിവി എക്‌സിബിഷന്‍ 'മെഗാ കേബിള്‍ ഫെസ്റ്റി'ന് തുടക്കമായി.

കടവന്ത്ര രാജീവ് ഗാന്ധി ഇന്‍ഡോര്‍ സ്‌റ്റേഡിയത്തില്‍ നടക്കുന്ന ഫെസ്റ്റിൽ ടെലിവിഷന്‍ നെറ്റ്‌വര്‍ക്കുകള്‍ ഡിജിറ്റല്‍ ആക്കുന്നതിനുള്ള പുതിയ ഉത്പന്നങ്ങളും സേവനങ്ങളുമായി വിദേശ, ഇന്ത്യന്‍ കമ്പനികള്‍ പങ്കെടുക്കുന്നു. കൊഷിപ്പ്, സിസ്കോ, കൊനാക്സ് തുടങ്ങിയ അന്താരാഷ്ട്ര കന്പനികൾ ഇതിൽ ഉൾപ്പെടുന്നു.

ബ്രോഡ്കാസ്റ്റിംഗ്, ബ്രോഡ്ബാന്‍ഡ്, വാല്യു ആഡഡ് സര്‍വീസുകള്‍ തുടങ്ങിയ മേഖലകളിലെ പുതിയ സാങ്കേതിക വിദ്യകളുടെ പ്രദര്‍ശനവുമുണ്ട്. ഇന്ത്യയ്‌ക്ക് അകത്തും പുറത്തും നിന്ന് സംപ്രേഷണം ചെയ്യുന്ന ടെലിവിഷൻ ചാനലുകളും പ്രദർശനത്തിലുണ്ട്.

മൂന്ന് ദിവസങ്ങളിലായി നടക്കുന്ന സെമിനാറുകളിൽ മാദ്ധ്യമപ്രവര്‍ത്തകരും സാങ്കേതിക വിദഗ്‌ദ്ധരും പങ്കെടുക്കും.

കേരളാ വിഷന്‍ ഡിജിറ്റല്‍ ടിവി, കേബിള്‍ ഓപ്പറേറ്റേഴ്‌സ് അസോസിയേഷൻ, കേബിള്‍ സ്‌കാന്‍ എന്നിവ സംയുക്തമായാണ് ഫെസ്റ്റ് സംഘടിപ്പിക്കുന്നത്.

ഫെസ്റ്റിന്റെ ഉദ്ഘാടനം റെയിൽ ടെൽ കോർപ്പറേഷൻ എക്സിക്യൂട്ടിവ് ഡയറക്ടർ ശൈലേന്ദ്ര കുമാർ ഗോയൽ നിർവഹിച്ചു. ബി.സി.സി വേൾഡ് സീനിയർ ഡയറക്ടർ മൈലിദ ആഗ, കേബിള്‍ ടി.വി ഓപ്പറേറ്റേഴ്‌സ് അസോസിയേഷന്‍ ജനറല്‍ സെക്രട്ടറി കെ. ഗോവിന്ദൻ, കെ.സി.സി.എൽ. ചെയര്‍മാന്‍ അബൂബക്കര്‍ സിദ്ദിഖ്, എൻ. ഇ ഹരികുമാർ, കെ. വിജയകൃഷ്ണൻ, സി.ആർ സുധീഷ് തുടങ്ങിയർ പങ്കെടുത്തു

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News