സ്‌കൂള്‍ വിദ്യാര്‍ഥിയെ കാറില്‍കൊണ്ടുപോയി പീഡിപ്പിച്ചെന്ന് പരാതി

മട്ടന്നൂര്‍: സ്‌കൂള്‍ വിദ്യാര്‍ഥിയായ 11കാരനെ മദ്രസ അധ്യാപകന്‍ കാറില്‍ കയറ്റിക്കൊണ്ടുപോയി പീഡിപ്പിച്ചതായി പരാതി. മട്ടന്നൂര്‍ നഗരത്തിലെ ഒരു ഇംഗ്ലീഷ് മീഡിയം സ്‌കൂളില്‍ ആറാംതരത്തില്‍ പഠിക്കുന്ന വിദ്യാര്‍ഥിയെ മൂരിയാട് സ്വദേശി സഹീര്‍ പീഡിപ്പിച്ചതായാണ് പരാതി. കഴിഞ്ഞ ദിവസം വൈകുന്നേരം സ്‌കൂള്‍ വിട്ടു വീട്ടിലേക്കു പോകുന്നതിനു കോളജ് റോഡില്‍ ബസ് കാത്തുനില്‍ക്കുമ്പോള്‍ കാറുമായെത്തിയ സഹീര്‍ വീട്ടിലെത്തിക്കാമെന്ന് പറഞ്ഞ് കാറില്‍ കയറ്റുകയായിരുന്നു.

മട്ടന്നൂര്‍ മുതല്‍ മരുതായി ടൗണ്‍ എത്തുന്നതുവരെ കാറില്‍ വച്ച് വിദ്യാര്‍ഥിയെ പീഡിപ്പിക്കുകയായിരുന്നുവത്രേ. മരുതായി ടൗണിലെത്തിയപ്പോള്‍ ആളൊഴിഞ്ഞ സ്ഥലത്ത് വിദ്യാര്‍ഥിയെ ഇറക്കിവിടുകയും ചെയ്തു.

വീട്ടിലെത്തിയ കുട്ടി രക്ഷിതാക്കളോട് സംഭവം പറയുകയും കാര്‍ നമ്പര്‍ കൈമാറുകയുമായിരുന്നു. മട്ടന്നൂര്‍ പോലീസ് കേസെടുത്തു. എസ്‌ഐ പി.കെ. പ്രകാശും സംഘവും പ്രതിക്കുവേണ്ടി തെരച്ചില്‍ നടത്തിയെങ്കിലും പിടികൂടാനായില്ല. സഹീറിനെതിരേ നേരത്തെയും ഇതുപോലെയുള്ള പരാതി ഉണ്ടായിരുന്നതായി പറയുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News