കാര്‍ നിയന്ത്രണം വിട്ടു മറിഞ്ഞ് ഏഴുപേര്‍ക്കു പരുക്ക്

രാജപുരം: അധ്യാപകന്‍ ഓടിച്ച കാര്‍ നിയന്ത്രണം വിട്ടു മറിഞ്ഞു വിദ്യാര്‍ഥിയുള്‍പ്പെടെ ഏഴു പേര്‍ക്ക് പരുക്ക്. രാജപുരം ടഗോര്‍ പബ്ളിക് സ്കൂളിലെ വിദ്യാര്‍ഥികളായ അട്ടേങ്ങാനം എളാടിയിലെ പത്മനാഭന്റെ മകന്‍ ജയരാഗ് (14), എടത്തോടിലെ ഖാദറിന്റെ മകന്‍ അബു താഹീര്‍ (14), മുണ്ടോട്ടെ ഡോന്‍സിയുടെ മകന്‍ ജോബിന്‍ (ഒന്‍പത്), കള്ളാര്‍ അഞ്ചാലയിലെ എം.എ. ബിജുവിന്റെ മകന്‍ ജുവല്‍ (അഞ്ച്), മുണ്ടമാഹിയിലെ എ.സി. നാരായണന്റെ മകന്‍ നവനീത് (14) എന്നീ വിദ്യാര്‍ഥികള്‍ക്കും കാറോടിച്ച ഇതേ സ്കൂളിലെ അധ്യാപകനായ എം.എ. ബിജു (45), അധ്യാപികയായ ഭാര്യ ജോളി (35) എന്നിവര്‍ക്കുമാണ് പരുക്ക്.

വ്യാഴാഴ്ച വൈകിട്ട് സ്കൂളില്‍ നിന്നു വീട്ടിലേക്ക് മടങ്ങുകയായിരുന്ന അധ്യാപകന്‍ സഞ്ചരിച്ച കാര്‍ സ്കൂളിനു സമീപത്തെ ഇറക്കത്തില്‍ നിയന്ത്രണം നഷ്ടപ്പെട്ട് ഇവിടെയുണ്ടായിരുന്ന വിദ്യാര്‍ഥികളുടെ ദേഹത്തേക്ക് മറിയുകയായിരുന്നു. പരുക്കേറ്റ ജയരാഗ്, അബു താഹീര്‍, ജോബ്, നവനീത് എന്നിവരെ കാഞ്ഞങ്ങാട്ടെ സ്വകാര്യാശുപത്രിയിലും മറ്റുള്ളവരെ പൂടങ്കല്ല് സിഎച്ച്സിയിലും പ്രവേശിപ്പിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News