കുമ്പളയില്‍ സംഘര്‍ഷത്തില്‍ രണ്ട് പേര്‍ക്ക് കുത്തേറ്റു

കുമ്പള: കുമ്പളയില്‍ ചൊവ്വാഴ്ച രാത്രിയുണ്ടായ സംഘര്‍ഷത്തില്‍ രണ്ട് പേര്‍ക്ക് കുത്തേറ്റു. കുമ്പള സ്വദേശികളായ റഊഫ്, ഹസൈനാര്‍ എന്നിവര്‍ക്കാണ് കുത്തേറ്റത്. ഇവരില്‍ റൗഫിനെ മംഗലാപുരത്തേയും ഹസൈനാറിനെ കാസര്‍കോട്ടേയും സ്വകാര്യ ആശുപത്രികളില്‍ പ്രവേശിപ്പിച്ചു.

സംഭവത്തില്‍ അഞ്ച് പേര്‍ക്കെതിരെ കുമ്പള പോലീസ് വധശ്രമത്തിന് കേസെടുത്തു. നബിദിനാഘോഷത്തിന്റെ ഭാഗമായി സ്ഥാപിച്ച കമാനത്തെചൊല്ലിയുള്ള തര്‍ക്കമാണ് സംഘട്ടത്തിന് വഴിവെച്ചതെന്ന് കുമ്പള പോലീസ് പറഞ്ഞു. നിസാരമായ പ്രശ്‌നത്തില്‍ ചിലര്‍ ഇടപെട്ടതാണ് കുഴപ്പത്തിന് വഴിവെച്ചതെന്നും ഇപ്പോള്‍ സ്ഥിതിഗതികള്‍ ശാന്തമാണെന്നും പോലീസ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,Clash, Police, Case