വില്‍ക്കാന്‍ ശ്രമിക്കുന്നതിനിടെ മോഷ്ടിച്ച മൊബൈലുമായി മോഷ്ടാവ് പിടിയില്‍

കണ്ണൂര്‍: കടയുടമയെ ബന്ദിയാക്കി മൊബൈല്‍ ഫോണുകളുമായി രക്ഷപ്പെട്ട മോഷ്ടാവിനെ കണ്ണൂരില്‍ ഫോണ്‍ വില്‍ക്കാന്‍ ശ്രമിക്കുന്നതിനിടയില്‍ പിടികൂടി. ഞായറാഴ്ച വൈകുന്നേരം ഇരിട്ടിയിലെ ഒരു കടയില്‍ നിന്നും 24,000 രൂപ വില വരുന്ന രണ്ട് ഫോണുകളാണ് കടയുടെ ഷട്ടര്‍ അടച്ച് ഉടമയെ ബന്ദിയാക്കി യുവാവ് മോഷ്ടിച്ചത്.

തിങ്കളാഴ്ച രാവിലെ പത്തര മണിയൊടെ കണ്ണൂര്‍ ബി ഒ ടി ബസ്സ്റ്റാന്റിലെ ക്വാളിറ്റി മൊബൈല്‍ ഫോണ്‍ കടയിലെത്തിയ യുവാവ് ഫോണ്‍വില്‍ക്കാനുണ്ടെന്ന് പറയുകയായിരുന്നു. ഇവിടെ പൈസയില്ലെന്നും അടുത്തകടയില്‍ പോയ്‌ക്കോളുയെന്ന് പറഞ്ഞ് യുവാവിനെ തിരിച്ചയച്ചു.

ഇരിട്ടിയിലെ മോഷണ വിവരം വാട്‌സപ്പിലൂടെ എല്ലായിടത്തും അറിയിച്ചതിനാല്‍ കടയുടമക്കും ജീവനക്കാര്‍ക്കും സംശയം തോന്നുകയായിരുന്നു. യുവാവിന്റെ പിന്നാലെ തൊട്ടടുത്ത മൊബൈല്‍ ഫോണ്‍ കടയിലേക്ക് പിന്തുടര്‍ന്നവര്‍ പോലീസില്‍ വിവരമറിയിക്കുകയായിരുന്നു. തുടര്‍ന്ന് പോലീസത്തി യുവാവിനെ പിടികൂടി. യുവാവിന്റെ രേഖാചിത്രം തയ്യാറാക്കുന്നതിനിടയിലാണ് മോഷ്ടാവ് കണ്ണൂരില്‍ പിടിയിലായത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News