ഉദയ് കിരണിന്റെ ആത്മഹത്യ; മനോവിഷമത്തില്‍ ആരാധകനായ 19കാരനും ആത്മഹത്യ ചെയ്തു

ഹൈദരാബാദ്: തെലുങ്ക് യുവ നടന്‍ ഉദയ് കിരണ്‍ ആത്മഹത്യ ചെയ്ത ദു:ഖത്തില്‍നിന്നും മോചിതനാകാന്‍ കഴിയാത്ത ആരാധകന്‍ ആത്മഹത്യ ചെയ്തു. ആന്ധ്രാപ്രദേശിലെ വിജയനഗരം സ്വദേശിയായ എന്‍. സതീഷിനെയാണ്(19) റോഡരികിലുള്ള മരത്തില്‍ തൂങ്ങി മരിച്ച നിലയില്‍ കണ്ടെത്തിയത്.

സതീഷിന്റെ പോക്കറ്റില്‍ നിന്നും കണ്ടെത്തിയ ആത്മഹത്യാ കുറിപ്പിലാണ് പ്രിയതാരത്തിന്റെ മരണത്തെക്കുറിച്ച് സൂചിപ്പിച്ചത്. ഉദയ് കിരണ്‍ ഇല്ലാത്ത ഒരു ലോകത്തില്‍ ജീവിക്കുക പ്രയാസമാണെന്ന് മെക്കാനിക്കായ സതീഷിന്റെ ആത്മഹത്യാ കുറിപ്പിലുള്ളതായി പോലീസ് വ്യക്തമാക്കി.

തെലുങ്കിലെ ശ്രദ്ധേയ താരമായ ഉദയ് കിരണിനെ ജനുവരി 5നാണ് തന്റെ ഫ്‌ളാറ്റില്‍ തൂങ്ങിമരിച്ച നിലയില്‍ കണ്ടെത്തിയത്. സിനിമാരംഗത്ത് അവസരങ്ങള്‍ കുറഞ്ഞതും സാമ്പത്തിക പ്രതിസന്ധിയുമാണ് ഉദയിന്റെ ആത്മഹത്യക്ക് കാരണമായതെന്ന് അടുത്ത വൃത്തങ്ങള്‍ ചൂണ്ടിക്കാട്ടിയിരുന്നു. സമീപകാലത്ത് ഇറങ്ങിയ ഉദയിന്റെ ചിത്രങ്ങള്‍ വന്‍പരാജയമായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Actor, Udai Kiran, suiside