ബാലികയെ തട്ടിക്കൊണ്ടുപോകാന്‍ ശ്രമം; തെളിവെടുപ്പിനെത്തിയ പോലീസിന് നേരേ മുട്ടയേറ്

നാദാപുരം: അരൂരില്‍ ബാലികയെ തട്ടിക്കൊണ്ടുപോകാന്‍ ശ്രമിച്ച കേസിലെ പ്രതി ബില്‍ക്കൂസ് അബ്ദുല്ലയുമായി തെളിവെടുപ്പിനെത്തിയ പോലീസ് വാഹനത്തിനുനേരേ മുട്ടയേറ്. പ്രതിയെയും, പ്രതിയെ സംരക്ഷിക്കുന്നുവെന്നാരോപണമുയര്‍ന്ന പോലീസ് ഉദ്യോഗസ്ഥനെയും കണ്ടതോടെയാണ് ജനക്കുട്ടം ക്ഷുഭിതരായത്. ഇതേത്തുടര്‍ന്ന് പ്രതിയെ തെളിവെടുപ്പിനുള്ള സ്ഥലത്തിറക്കാന്‍ കഴിഞ്ഞില്ല.

വൈകുന്നേരം നാലര മണിയോടെയാണ് പോലീസ് സംഘം തെളിവെടുപ്പിനായി അരൂര്‍ നടേമ്മലില്‍ എത്തിയത്. ജനക്കുട്ടത്തിന്റെ രോഷ പ്രകടനമുണ്ടാകുമെന്ന വിവരത്തിന്റെ അടിസ്ഥാനത്തില്‍ നാദാപുരം സി.ഐ. സുരേഷ്‌കുമാറിന്റെ നേതൃത്വത്തിലുള്ള വന്‍ പോലീസ് സംഘമാണ് പ്രിതിയോടൊപ്പം സ്ഥലത്തെത്തിയത്. കര്‍മസമിതി ഭാരവാഹികളുടെ നേതൃത്വത്തില്‍ പോലീസിന്റെ തെളിവെടുപ്പിന് വേണ്ട സൗകര്യമേര്‍പ്പെടുത്താന്‍ തീരുമാനിച്ചിരുന്നു

ബില്‍ക്കൂസ് അബ്ദുല്ലയ്‌ക്കൊപ്പം അകമ്പടിയായെത്തിയ ആരോപണ വിധേയനായ എ.എസ്.ഐ. യെ കണ്ടതോടെ നാട്ടുകാര്‍ ഇളകി. പ്രതിക്കെതിരെയും ആരോപണ വിധേയനായ പോലീസ് ഉദ്യോഗസ്ഥനെതിരെയും സ്ത്രീകളടക്കമുള്ളവര്‍ രൂക്ഷ പരാമര്‍ശങ്ങളാണ് നടത്തിയത്. ഇതിനിടയില്‍ പോലീസ് വാഹനത്തിന് നേരേ മുട്ടയേറ് ഉണ്ടായി. തുടര്‍ന്നുള്ള സംഘര്‍ഷാവസ്ഥ സി.ഐ.യും കര്‍മസമിതി ഭാരവാഹികളുമാണ് ലഘൂകരിച്ചത്. സംഘര്‍ഷാവസ്ഥ ഒഴിവാക്കാന്‍ പോലീസ് സംഘം പ്രതിയെ സ്ഥലത്തിറക്കാതെ മടങ്ങി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News