വരാപ്പുഴ പെണ്‍വാണിഭം: ദമ്പതിമാര്‍ കാസര്‍കോട്ട് അറസ്റ്റില്‍

കാസര്‍കോട്: എറണാകുളം വരാപ്പുഴ പീഡനക്കേസിലെ മുഖ്യപ്രതികളിലുള്‍പ്പെട്ട ഭര്‍ത്താവും ഭാര്യയും അറസ്റ്റില്‍. ചെറുതാഴം സ്വദേശി അബ്ദുള്‍ ലത്തീഫ്(40), ഭാര്യ ഹൈറുന്നീസ(34) എന്നിവരാണ് അറസ്റ്റിലായത്. ഏഴോം ചെങ്ങലില്‍ ഒളിവില്‍ കഴിയുകയായിരുന്ന ഇവരെ കാസര്‍കോട് ക്രൈം ഡിറ്റാച്ച്‌മെന്‍റ് ഡിവൈ.എസ്.പി. രഘുരാമനും സംഘവുമാണ് അറസ്റ്റ്‌ചെയ്തത്.

പോലീസ് പറയുന്നതിങ്ങനെ: പടന്നക്കാട് വാടക ക്വാര്‍ട്ടേസില്‍ താമസിച്ചിരുന്ന അബ്ദുള്‍ലത്തീഫും ഭാര്യ ഹൈറുന്നീസയുമാണ് പെണ്‍കുട്ടിയെ പീഡിപ്പിക്കാന്‍ കൂട്ടുനിന്നത്. കുട്ടിയുടെ സഹോദരിയും മൂസ എന്നൊരാളുമാണ് പെണ്‍കുട്ടിയെ ഇവരുടെ അടുത്തെത്തിച്ചത്. പടന്നക്കാട് കേന്ദ്രീകരിച്ചാണ് പീഡനംനടന്നത്. പിന്നീട് ഇവര്‍ ഒളിവില്‍ കഴിയുകയായിരുന്നുവെന്ന് ഡിവൈ.എസ്.പി. രഘുരാമന്‍ പറഞ്ഞു. പ്രതികളെ കാസര്‍കോട് ജെ.സി.എം. കോടതിയില്‍ ഹാജരാക്കി. 2009ലാണ് പ്രായപൂര്‍ത്തിയാകാത്ത പെണ്‍കുട്ടിയെ നിരവധിപേര്‍ പീഡിപ്പിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,