ഉള്ളാളില്‍ വീടുകള്‍ക്കുനേരെ ആക്രമണം; വാഹനങ്ങള്‍ തകര്‍ത്തു

മംഗലാപുരം: ഉള്ളാളില്‍ കഴിഞ്ഞദിവസം രാത്രി അക്രമികള്‍ മൂന്നു വീടുകള്‍ക്കുനേരെ ആക്രമണം നടത്തി. കല്ലെറിയുകയും വാഹനങ്ങള്‍ നശിപ്പിക്കുകയുംചെയ്തു. ധര്‍മാവതി, ശാന്താവതി, വാരിജ എന്നിവരുടെ വീടുകള്‍ക്കുനേരെയാണ് ആക്രമണമുണ്ടായത്.

കല്ലെറിഞ്ഞ അക്രമികള്‍ വീടുകളുടെ ജനല്‍ച്ചില്ലുകള്‍ പാടെ തകര്‍ത്തു. വീട്ടില്‍ നിര്‍ത്തിയിട്ട ഒരു കാറും ബൈക്കും നശിപ്പിച്ചു. കോട്ടേപുരയില്‍ നിര്‍ത്തിയിട്ട ഇവരുടെ രണ്ട് ബോട്ടുകളും അക്രമികള്‍ കേടാക്കി. അക്രമത്തിന്റെ കാരണം വ്യക്തമല്ല.

സംഭവവുമായി ബന്ധപ്പെട്ട് പോലീസ് ചിലരെ കസ്റ്റഡിയിലെടുത്തിട്ടുണ്ട്. നാട്ടുകാര്‍ പ്രതിഷേധിച്ച് ഉള്ളാള്‍ പോലീസ് സ്റ്റേഷനുമുന്നില്‍ തടിച്ചുകൂടി. സ്ഥലത്ത് വന്‍ പോലീസ്‌സംഘം കാവലുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News