ആശങ്കയില്ലാതെ മഞ്ജുവിന്റെ തിരിച്ചുവരവിലെ ആദ്യ ടേക്ക്

കൊച്ചി: ഇടവേളയുടെ ആശങ്കയില്ലാതെ മഞ്ജുവിന്റെ തിരിച്ചുവരവിലെ ആദ്യ ടേക്ക്. പതിനാല് വര്‍ഷങ്ങള്‍ക്ക് ശേഷം സിനിമാ ലോകത്തേക്ക് മടങ്ങിവരുന്ന മഞ്ജുവിന്റെ തിരിച്ചുവരവിലെ ആദ്യ ചിത്രമായ 'ഹൗ ഓള്‍ഡ് ആര്‍ യു'വിന്റെ ഷൂട്ടിംഗ് തുടങ്ങി. 

അമിതാഭ് ബച്ചനൊപ്പം കല്യാണ്‍ സില്‍ക്‌സിന്റെ പരസ്യ ചിത്രത്തില്‍ അഭിനയിച്ചു കാമറയോടുള്ള അകല്‍ച്ച കുറച്ചതിനാലാകണം പതര്‍ച്ചകളില്ലാത്ത തുടക്കമാണ് മഞ്ജു കാഴ്ചവച്ച്. മുന്‍പ് ചിത്രത്തിന്റെ ചില ഷോട്ടുകള്‍ കൊച്ചി മാരത്തണിനിടെ ചിത്രീകരിച്ചെങ്കിലും ഔദ്യോഗിക ചിത്രീകരണം കഴിഞ്ഞ ദിവസമാണ് തുടങ്ങിയത്.

ഇതിന്റെ ചില ഷോട്ടുകളാണ്‌ മഞ്ജു ഫേസ്ബുക്കിലൂടെ ഷെയര്‍ ചെയ്തിരിക്കുന്നത്. റോഷന്‍ ആന്‍ഡ്രൂസാണ് ചിത്രത്തിന്റെ സംവിധായകന്‍. കൊച്ചിയില്‍ റവന്യു വകുപ്പിലെ നിരുപമ എന്ന കഥാപാത്രത്തെയാണ് മഞ്ജു അവതരിപ്പിക്കുന്നത്. ബോബി സഞ്ജയ് ടീമിന്റെ തിരക്കഥയില്‍ ഒരുങ്ങുന്ന ചിത്രത്തില്‍ കുഞ്ചാക്കോ ബോബനാണ് നായകന്‍. സിനിമയിലേക്കുള്ള രണ്ടാം വരവിനു മുന്‍പായി ഫേസ്ബുക്കില്‍ ഒഫീഷ്യല്‍ അക്കൗണ്ട് തുറന്ന മഞ്ജു അന്നു മുതല്‍ ഫേസ്ബുക്കില്‍ സജീവമാണ്.

ജീവിതത്തിലെ പ്രധാന സംഭവങ്ങള്‍ ഫെയിസ്ബുക്കിലൂടെ ആരാധകരുമായി ഷെയര്‍ ചെയ്യാന്‍ മഞ്ജു മറക്കാറില്ല. ആംസ്റ്റര്‍ഡാമിലേക്കുള്ള യാത്രയും ഡ്രൈവിംഗ് ലൈസന്‍സ് ടെസ്റ്റില്‍ പങ്കെടുക്കുന്ന ചിത്രങ്ങളും വിശേഷങ്ങളുമെല്ലാം മഞ്ജു പങ്കുവച്ചിരുന്നു. ഇതിനു പിന്നാലെയാണ് ഇപ്പോള്‍ ഷൂട്ടിംഗ് വിശേഷങ്ങളും അവര്‍ ഫേസ്ബുക്കിലൂടെ ലോകത്തെ അറിയിച്ചിരിക്കുന്നത്. വരും ദിവസങ്ങളിലും കൂടുതല്‍ ചിത്രങ്ങള്‍ മഞ്ജു പോസ്റ്റ് ചെയ്യുമെന്നാണ് ആരാധകര്‍ പ്രതീക്ഷിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kochi, Manju Warrier