നാടിനെ ഒറ്റുകൊടുക്കുന്നവരോട് പോലീസ് ഒത്തുതീര്‍പ്പിന് നില്‍ക്കരുത് -കെ.എം.ഷാജി

കണ്ണൂര്‍: നാടിനെ ഒറ്റുകൊടുക്കുന്നവരോട് പോലീസ് ഒത്തുതീര്‍പ്പിന് നില്‍ക്കരുതെന്ന് കെ.എം.ഷാജി എം.എല്‍.എ. പറഞ്ഞു. കണ്ണൂര്‍ നവനീതം ഓഡിറ്റോറിയത്തില്‍ കേരളാ പോലീസ് അസോസിയേഷന്‍ ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. 

നാടിന് ആപത്ത് വരുത്തുന്നവന്‍ ഏത് അമ്പലത്തിന്റെ പിന്തുണയുള്ളവനാണെങ്കിലും ഏത് പള്ളിയുടെ ആളായാലും പിടിച്ച് കാരാഗ്രഹത്തിലാക്കണം. അത്തരക്കാര്‍ക്ക് ഓശാനപാടുന്ന രാഷ്ട്രീയക്കാരുണ്ടെങ്കില്‍ അവരുടെ ചെകിട്ടത്തടിക്കാമെന്നും എം.എല്‍.എ. പോലീസുകാരോട് പറഞ്ഞു.

തെരുവുഗുണ്ടകള്‍, രാഷ്ട്രീയഗുണ്ടകള്‍, ഉദ്യോഗസ്ഥ ഗുണ്ടകള്‍ എന്നിങ്ങനെ പലതരം ഗുണ്ടകളാണ് നാട്ടിലുള്ളത്. മുമ്പ് ഇവരെല്ലാം ഒറ്റയ്ക്കാണ് ഇറങ്ങിയിരുന്നതെങ്കില്‍ ഇപ്പോള്‍ കേരളത്തില്‍ ഗുണ്ടകളുടെയും തെമ്മാടികളുടെയും കണ്‍സോര്‍ഷ്യമാണുള്ളതെന്നും എം.എല്‍.എ. കൂട്ടിച്ചേര്‍ത്തു.

ജില്ലാ പ്രസിഡന്റ് കെ.എം.മനോജ്കുമാര്‍ അധ്യക്ഷനായിരിന്നു. പോലീസ് സൂപ്രണ്ട് ഡോ. എ.ശ്രീനിവാസ്, ടി.നാരായണന്‍, പി.ഡി.ഉണ്ണി, ജെ.സന്തോഷ്‌കുമാര്‍, ടി.പി.ഉണ്ണികൃഷ്ണന്‍, എം.എ.രഘുനാഥ്, എം.ജി.ജോസഫ്, വി.കെ.മനോഹരന്‍, ജി.ആര്‍,അജിത്ത്, കെ.ജെ.മാത്യു, പി.ബേബി, കെ.കെ.ഷാജു, പി.ടി.സുജിത്ത്, സി.സുമേഷ് ബോസ് കൊച്ചുമലയില്‍, ഹബീബ് റഹ്മാന്‍ എന്നിവര്‍ പ്രസംഗിച്ചു.

സമ്മേളനത്തിന്റെ ഭാഗമായി നടത്തിയ 'പോലീസിന്റെ സാമൂഹിക പ്രതിബദ്ധത' സെമിനാര്‍ കഴിഞ്ഞദിവസം അഡ്വ. സണ്ണിജോസഫ് എം.എല്‍.എ. ഉദ്ഘാടനം ചെയ്തു. സംസ്ഥാന പ്രസിഡന്റ് പി.ഡി.ഉണ്ണി അധ്യക്ഷനായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News