എസ് ഐ യെ വധിക്കാന്‍ ശ്രമിച്ച കേസില്‍ മുഖ്യപ്രതിക്കായി തിരച്ചില്‍ ഊജ്ജിതമാക്കി

ഉദുമ: ബേക്കല്‍ എസ് ഐ എം രാജേഷിനെ വാഹനമിടിച്ച് വധിക്കാന്‍ ശ്രമിച്ച കേസിലെ മുഖ്യപ്രതി ഒളിവില്‍. ടെമ്പോ ഡ്രൈവര്‍ പൂച്ചക്കാട് കല്ലിങ്കാല്‍ റഹ്മത്ത് റോഡിലെ പി ജലീലാണ് ഒളിവിലുള്ളത്. ഇയാളെ കണ്ടെത്താന്‍ പോലീസ് റെയ്ഡ് തുടരുന്നു.

ഹൊസ്ദുര്‍ഗ് സി ഐ പി കെ സുധാകരന്റെ നേതൃത്വത്തില്‍ പ്രത്യേക അന്വേഷണ സംഘമാണ് പ്രതിക്ക് വേണ്ടിയുള്ള തിരച്ചില്‍ തുടരുന്നത്. എസ് ഐ യെ ഇടിച്ചു തെറിപ്പിച്ച വാഹനത്തിന്റെ ആര്‍ സി ഉടമ എറണാകുളം സ്വദേശി ഹക്കീമാണെന്ന് പോലീസ് തിരിച്ചറിഞ്ഞിട്ടുണ്ട്. ഈ വാഹനം കല്ലിങ്കാല്‍ തൊട്ടിയിലെ കസായി മുഹമ്മദലി വിലക്കെടുത്തതാണെന്ന് അന്വേഷണത്തില്‍ വ്യക്തമായിട്ടുണ്ട്. 

തിങ്കളാഴ്ച രാത്രി 11 മണിയോടെയാണ് പള്ളിക്കര കല്ലിങ്കാലില്‍ എസ് ഐ ക്കു നേരെ വധശ്രമമുണ്ടായത്. ഗുരുതരമായി പരിക്കേറ്റ എസ് ഐ രാജേഷ് മംഗലാപുരം ആശുപത്രിയില്‍ ചികിത്സയിലാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News