ജസീറ ഒന്നാന്തരം തട്ടിപ്പുകാരിയാണെന്ന് വ്യവസായി കൊച്ചൗസേപ്പ് ചിറ്റിലപ്പിള്ളി

കൊച്ചി: മണല്‍ മാഫിയയ്‌ക്കെതിരായ ഒറ്റയാള്‍ പോരാട്ടത്തിന് പാരിതോഷികമായി പ്രഖ്യാപിച്ച 5 ലക്ഷം രൂപ പിന്‍വലിച്ചതിന് തൊട്ടുപിന്നാലെ ജസീറ ഒന്നാന്തരം തട്ടിപ്പുകാരിയാണെന്ന് വ്യവസായി കൊച്ചൗസേപ്പ് ചിറ്റിലപ്പിള്ളി. തന്റെ ഫേസ്ബുക്ക് പേജിലൂടെയാണ് ചിറ്റിലപ്പിള്ളി ജസീറയെ അധിക്ഷേപിച്ചത്.

കഴിഞ്ഞ ദിവസം പാലാരിവട്ടം പോലീസ് സ്‌റ്റേഷനില്‍ വച്ച് ജസീറയ്ക്ക് മര്‍ദ്ദനമേറ്റതുമായി ബന്ധപ്പെട്ട ചിത്രം സഹിതമാണ് ചിറ്റിലപ്പിള്ളി ജസീറ തട്ടിപ്പുകാരിയാണെന്ന് പറയുന്നത്. മാത്രമല്ല, പ്രധാന രാഷ്ട്രീയ പാര്‍ട്ടിയുടെ പിന്തുണയോടെയാണ് തട്ടിപ്പ് നടത്തുന്നതെന്നും ചിറ്റിലപ്പിള്ളി പറയുന്നു.

ചിറ്റിലപ്പിള്ളി പാരിതോഷികമായി നല്‍കിയ പണം തിരിച്ചു നല്‍കാന്‍ ഇരിട്ടി സ്വദേശിയായ ജോര്‍ജ് വീട് വില്‍പ്പനയ്ക്കു വച്ച ചിത്രവും ചിറ്റിലപ്പിള്ളിയുടെ ഫേസ്ബുക്കില്‍ കാണാം. തങ്ങള്‍ ഒരിക്കലും കാശ് തിരികെ ചോദിച്ചിട്ടില്ലെന്നും, തിരിച്ചു തരുന്നുണ്ടെങ്കില്‍ പാര്‍ട്ടി അയാളെ സഹായിക്കട്ടെയെന്നുമാണ് ചിറ്റിലപ്പിള്ളിയുടെ വാദം.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Jaseera, Chittillapilly, Kochi