ഹക്കിംവധം: മൃതദേഹ അവശിഷ്‌ടത്തില്‍ രക്തത്തിന്റെ സാന്നിദ്ധ്യം കണ്ടെത്താനായില്ല

പയ്യന്നൂര്‍: കൊറ്റി ജുമാമസ്‌ജിദിനോട്‌ അനുബന്ധിച്ച മദ്രസയോട്‌ ചേര്‍ന്ന്‌ കത്തിക്കരിഞ്ഞ നിലയില്‍ കാണപ്പെട്ട തെക്കേ മമ്പലത്തെ ഹക്കിമിന്റെ മൃതദേഹം അവശിഷ്‌ടങ്ങളുടെ ഡി.എന്‍.എ പരിശോധനയില്‍ രക്തത്തിന്റെ സാന്നിദ്ധ്യം കണ്ടെത്താനായില്ല.

മൃതദേഹ പൂര്‍ണ്ണമായും കത്തിക്കരിഞ്ഞ തിനാലാണ്‌ രക്തത്തിന്റെ സാന്നിദ്ധ്യം കണ്ടെത്താന്‍ കഴിയാതെ വന്നത്‌. ഹക്കിം വധക്കേസിലെ പ്രതികളെ കുറിച്ച്‌ അന്വേഷണ സംഘത്തിന്‌ വ്യക്തമായ സൂചന ലഭിച്ചിരുന്നു.

ഒരു പ്രമുഖന്‍ ക്വട്ടേഷന്‍ സംഘത്തെ ഉപയോഗിച്ചാണ്‌ കൊല നടത്തിയതെന്നാണ്‌ സൂചന. എന്നാല്‍ കൊല്ലപ്പെട്ടത്‌ ഹക്കിം തന്നെയാണെന്ന്‌ തെളിയിക്കുന്ന ശാസ്‌ത്രീയ തെളിവുകള്‍ ആവശ്യമാണ്‌. ഹക്കിമിന്റെ മൊബൈല്‍ ഫോണ്‍ തകര്‍ത്ത നിലയില്‍ സമീപത്ത്‌ നിന്ന്‌ ലഭിച്ചിരുന്നു. പേഴ്‌സും ലഭിച്ചിരുന്നു. എന്നാല്‍ അതൊന്നും പ്രധാനപ്പെട്ട തെളിവായി അന്വേഷണ സംഘം കണക്കാക്കുന്നില്ല. അതിനാലാണ്‌ ഡി.എന്‍.എ പരിശോധന നടത്തിയത്‌..

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Hakkim, Murder Case.