കിണറ്റില്‍ കുടുങ്ങിയ മൂന്നുപേരെ അഗ്‌നിരക്ഷാസേനരക്ഷപ്പെടുത്തി

കാസര്‍കോട്: കിണര്‍ വൃത്തിയാക്കി കയറുന്നതിനിടെ പിടിവിട്ട് തൊഴിലാളി കിണറ്റില്‍ വീണു. എഴുപതടി താഴ്ചയില്‍വീണ യുവാവിനെ രക്ഷിക്കാനിറങ്ങിയ നാട്ടുകാരായ രണ്ടുപേരും കിണറ്റില്‍ കുടുങ്ങി. ഒടുവില്‍, കാസര്‍കോട്ടുനിന്നെത്തിയ അഗ്‌നിരക്ഷാസേന അതിസാഹസികമായിമൂന്നുപേരെയും രക്ഷിച്ചു.

ആലംപാടി തൂക്കിയമൂല ഹൗസിലെ മഹ്മൂദിന്റെ മകന്‍ മാലിക്(26) ആണ് അപകടത്തില്‍പ്പെട്ടത്. രാവിലെ പതിനൊന്നുമണിയോടെയായിരുന്നു സംഭവം. മുഹമ്മദ് എന്ന ആളുടെ കിണര്‍വൃത്തിയാക്കി കയറുന്നതിനിടെയാണ് പിടിവിട്ട് മാലിക് വീണത്. നിലവിളികേട്ട് നാട്ടുകാരായ അബ്ദുള്ള, അബ്ദുള്‍ഖാദര്‍ എന്നിവര്‍ കിണറ്റിലിറങ്ങി. ഏറെ പരിശ്രമിച്ചിട്ടും അവര്‍ക്ക് മുകളിലേക്ക് കയറാന്‍ പറ്റിയില്ല.

വിവരമറിഞ്ഞെത്തിയ അഗ്‌നിരക്ഷാസേനയിലെ ഫയര്‍മാന്‍ ടി.രഞ്ജിത്, ലീഡിങ് ഫയര്‍മാന്‍ മനോഹരന്‍ എന്നിവര്‍ കിണറ്റിലിറങ്ങി. കൂട്ടയിറക്കി മുകളിലേക്ക് കയറ്റാനാകാത്തതിനാല്‍ സ്ട്രക്ച്ചര്‍ ഇറക്കി. സ്റ്റേഷന്‍ ഓഫീസര്‍ രവീന്ദ്രന്‍, രാമചന്ദ്രന്‍, സുരേഷ്‌കുമാര്‍, മുരുഗന്‍, പ്രശാന്ത്, പ്രസീത്, മുഹമ്മദ് എന്നിവര്‍ മുകളില്‍ നിന്ന് വടവുമായി നിയന്ത്രിച്ചു. ഒരുമണിക്കൂര്‍ പരിശ്രമത്തിനൊടുവില്‍ മൂന്നുപേരെയും സുരക്ഷിതമായി മുകളിലെത്തിച്ചു. വീണുപരിക്കേറ്റ മാലിക്കിന് കാസര്‍കോട്ടെ സ്വാകാര്യ ആസ്​പത്രിയില്‍ ചികിത്സനല്കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kerala.