ഉദുമ കോളേജ്: ഡിവൈഎഫ്‌ഐ ബഹുജന കൂട്ടായ്മ

ഉദുമ: നിര്‍ദിഷ്ട ഉദുമ ഗവ. ആര്‍ട്‌സ് ആന്‍ഡ് സയന്‍സ് കോളേജ് പുല്ലൂര്‍- പെരിയയിലെ കാഞ്ഞിരടുക്കത്ത് സ്ഥാപിക്കാനുള്ള മന്ത്രിസഭാ തീരുമാനം പുനഃപരിശോധിക്കണമെന്നാവശ്യപ്പെട്ട് ഡിവൈഎഫ്‌ഐ ഉദുമ ബ്ലോക്ക്കമ്മിറ്റി ഞായറാഴ്ച പെരിയാട്ടടുക്കത്ത് ബഹുജന കൂട്ടായ്മ സംഘടിപ്പിക്കും. വൈകിട്ട് അഞ്ചിന് കെ കുഞ്ഞിരാമന്‍ എംഎല്‍എ ഉദ്ഘാടനം ചെയ്യും.

ഉദുമ മണ്ഡലത്തിലെയും പരിസരപ്രദേശങ്ങളിലെയും വിദ്യാര്‍ഥികള്‍ക്ക് എളുപ്പമെത്താനുള്ള സൗകര്യം കണക്കിലെടുത്താണ് പൊയിനാച്ചി- പെരിയ ദേശീയപാതയുടെ മധ്യേ കുണിയയില്‍ കോളേജ് സ്ഥാപിക്കാന്‍ സര്‍വകക്ഷിയോഗം തീരുമാനിച്ച് സര്‍ക്കാരിലേക്ക് ശുപാര്‍ശ ചെയ്തത്. 

ഈ തീരുമാനം മുഖ്യമന്ത്രിക്കും വിദ്യാഭ്യാസ മന്ത്രിക്കും നല്‍കിയിരുന്നു. എന്നാല്‍ സര്‍വകക്ഷി തീരുമാനങ്ങള്‍ അട്ടിമറിച്ചാണ് കോളേജ് കാഞ്ഞിരടുക്കത്ത് സ്ഥാപിക്കാന്‍ തീരുമാനിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kerala.