സുരേഷ് ഗോപിയും നരേന്ദ്രമോഡിയും കൂടിക്കാഴ്ച നടത്തി

അഹമ്മദാബാദ്: രാജ്യമെങ്ങും ലോക്‌സഭാ തിരഞ്ഞെടുപ്പ് ചൂടുപിടിക്കെ മലയാള സിനിമയിലെ ആക്ഷന്‍ ഹീറോ സുരേഷ് ഗോപി ബി.ജെ.പിയുടെ പ്രധാനമന്ത്രി സ്ഥാനാര്‍ത്ഥിയായ നരേന്ദ്ര മോഡിയെക്കണ്ടു. താന്‍ മലയാളത്തിലെ അറിയപ്പെടുന്ന താരവുമായി കൂടിക്കാഴ്ച്ച നടത്തിയതായി മോഡി തന്റെ ട്വിറ്ററില്‍ ട്വീറ്റ് ചെയ്യുകയും ചെയ്തു.

കേരളത്തെ സംബന്ധിച്ചുള്ള പ്രശ്‌നങ്ങളാണ് കൂടുതലായും സുരേഷ്‌ഗോപി മോഡിയുമായി സംസാരിച്ചത്. വിഴിഞ്ഞം തുറമുഖ പദ്ധതി, റെയില്‍വെ നവീകരണം എന്നീ വിഷയങ്ങളും ഒരു മണിക്കൂര്‍ നീണ്ട കൂടിക്കാഴ്ച്ചയില്‍ ഇരുവരും ചര്‍ച്ച ചെയ്തു.

ദക്ഷിണേന്ത്യന്‍ ചലച്ചിത്ര മേഖല നേരിടുന്ന പ്രശ്‌നങ്ങള്‍ സുരേഷ്‌ഗോപി മോഡിയോട് പറഞ്ഞു. ഇന്ത്യയുടെ സാംസ്‌കാരവും കലയും പ്രോത്സാഹിപ്പിക്കുന്ന ദൂരദര്‍ശനെ കൂടുതല്‍ മികവുറ്റതാക്കണമെന്ന് മോഡിയോട് സുരേഷ്‌ഗോപി ആവശ്യപ്പെട്ടു.

പ്രകടനപത്രികയില്‍ ഉള്‍പ്പെടുത്തേണ്ട കാര്യങ്ങള്‍ മോഡിയുമായി ചര്‍ച്ച ചെയ്തുവെന്ന് സുരേഷ് ഗോപി പറഞ്ഞു. ഒരു രാഷ്ട്രീയ പാര്‍ട്ടിക്കുവേണ്ടിയും തിരഞ്ഞെടുപ്പില്‍ മത്സരിക്കാന്‍ താന്‍ ഇല്ലെന്ന് സുരേഷ് ഗോപി നേരത്തെ പറഞ്ഞിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kerala.