വനിതാ മാധ്യമ പ്രവര്‍ത്തകയെ അപമാനിച്ച നാലുപേര്‍ അറസ്റ്റില്‍

മുംബൈ: വനിതാ മാധ്യമ പ്രവര്‍ത്തകയെ അപമാനിക്കുകയും ചാനല്‍ ക്യാമറമാനെ മര്‍ദ്ദിക്കുകയും ചെയ്തുവെന്ന പരാതിയില്‍ മുംബൈയില്‍ നാലുപേര്‍ അറസ്റ്റിലായി. സംഭവത്തില്‍ പങ്കുണ്ടെന്ന് കരുതുന്ന 40 ഓളം പേരെ തിരയുകയാണെന്ന് പോലീസ് പറഞ്ഞു. അന്ധേരിക്ക് സമീപമാണ് കേസിന് ആസ്പദമായ സംഭവം.

വാര്‍ത്ത ശേഖരിച്ച് മടങ്ങിയ ടെലിവിഷന്‍ ചാനല്‍ ലേഖികയെയും ക്യാമറമാനെയും ജനക്കൂട്ടം തടഞ്ഞുനിര്‍ത്തി. തുടര്‍ന്ന് സംഘം വനിതാ മാധ്യമ പ്രവര്‍ത്തകയെ അപമാനിക്കുകയും ക്യാമറമാനെ അക്രമിക്കുകയും ചെയ്തുവെന്നാണ് പരാതി. അക്രമികള്‍ക്കെതിരെ നിയമവിരുദ്ധമായി സംഘംചേരല്‍ , സ്ത്രീകള്‍ക്കെതിരായ അതിക്രമം, കലാപമുണ്ടാക്കല്‍ തുടങ്ങിയവയ്ക്ക് എതിരായ വകുപ്പുകളാണ് ചുമത്തിയിട്ടുള്ളത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Mumbai, Police, case, Arrested., arrested