കാജല് അഗര്വാളിന്റെ കടുത്ത ആരാധകര് ഈ വാര്ത്ത വായിക്കാതിരിക്കുന്നതാകും നല്ലത്. തെന്നിന്ത്യയിലെ യുവാക്കളുടെ ഹരമായ കാജള് കാമുകനൊപ്പം കറങ്ങുന്നതിന്റെ പടങ്ങള് ഇന്റര്നെറ്റില് പ്രചരിക്കുന്നു. മുംബൈയില് ബിസിനസുകാരനായ കാമുകനുമൊത്ത് ദുബായില് നടി ചുറ്റിയടിക്കുന്നതിന്റെ വിവിധ ദൃശ്യങ്ങളാണ് ഇപ്പോള് പുറത്തുവരുന്നത്. കല്യാണം ഉടനെ ഉണ്ടാകുമെന്നും ഗോസിപ്പുകാര് പറയുന്നു.
തെന്നിന്ത്യന് വെബ്സൈറ്റുകളിലെ ഗോസിപ്പുകോളങ്ങള് നിറയെ ഈ വാര്ത്തയാണ്. മുംബൈയിലുള്ള ഒരു ഇന്റീരിയര് ഡിസൈന് കമ്പനിയുടെ തലവനാണ് കാമുകനെന്നാണ് ചില മാധ്യമങ്ങള് റിപ്പോര്ട്ട് ചെയ്യുന്നത്. കാജലിന്റെ മാനേജര് വാര്ത്ത നിഷേധിച്ച് രംഗത്ത് വന്നതുമില്ല. എന്നാല് കാമുകനല്ല, കൂട്ടുകാരനാണ് ചിത്രത്തിലുള്ളതെന്നാണ് സഹോദരിയും നടിയുമായ നിഷ അഗര്വാള് പറയുന്നത്.
കാജലിന് ഒരുപാട് സുഹൃത്തുക്കളുണ്ട്. അവരെല്ലാം ഒന്നിച്ച് ചിത്രങ്ങളും എടുക്കാറുണ്ട്. ഇങ്ങനെയൊരു വാര്ത്ത തെറ്റാണ്. ഇക്കാര്യത്തില് എന്തെങ്കിലും വാസ്തവുണ്ടെങ്കില് തന്നെ അത് നിങ്ങളുടെ മുഖത്ത് നോക്കി പറയുന്ന ആളാണ് കാജല് എന്നും നിഷ പറയുന്നു. ആരാധകര്ക്ക് അത്രയും ആശ്വസിക്കാം. വാര്ത്ത സത്യമാകരുതേയെന്ന് പ്രാര്ഥിക്കാം. പ്രാര്ഥിക്കാന് ഓരോരുത്തര്ക്കും ഓരോ കാരണം വേണമല്ലോ?
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Actress, Kajal Agarwal.
No comments:
Post a Comment