തട്ടുകടയില്‍ തര്‍ക്കം, ഓട്ടോ ഡ്രൈവര്‍ക്ക് കുത്തേറ്റു.

തൃപ്പൂണിത്തുറ: തട്ടുകടയില്‍ തര്‍ക്കം, ഓട്ടോ ഡ്രൈവര്‍ക്ക് സോഡാക്കുപ്പിക്ക് കുത്തേറ്റു. ഗുരുതരമായി പരിക്കേറ്റ ഇയാളെ എറണാകുളം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു. ചൊവ്വാഴ്ച പുലര്‍ച്ചെ മൂന്നിന് തൃപ്പൂണിത്തുറ കിഴക്കേക്കോട്ട ജംഗ്ഷനിലെ തട്ടുകടയിലാണ് സംഭവം.

സംഭവത്തില്‍ പ്രതി തൃപ്പൂണിത്തുറ പൊയ്ന്തറ കോളനിയില്‍ പ്രഭു ഉള്‍പ്പെടെ മൂന്നുപേരെ തൃപ്പൂണിത്തുറ പോലീസ് അറസ്റ്റ് ചെയ്തു. കണ്ണന്‍കുളങ്ങര സ്വദേശി പ്ലാന്തോട്ടത്തില്‍ ശെല്‍വരാജി (34)നാണ് മാരകമായി കുത്തേറ്റത്. കടക്ക് പുറത്തുവച്ച് ഒരു മണിക്കൂറോളം തര്‍ക്കം നടന്ന ശേഷം പിന്നീട് തട്ടുകടക്കുള്ളില്‍ വച്ച് അക്രമം നടത്തുകയായിരുന്നു. ഈ സമയം ഓട്ടോഡ്രൈവറായ ശെല്‍വരാജനും അവരെയുണ്ടായിരുന്നു.

ആറുമാസം മുന്‍പ് പ്രഭുവിന്റെ സൈക്കിള്‍ നഷ്ടപ്പെട്ടിരുന്നെന്നും അത് എടുത്തുകൊണ്ടുപോയവരെ ശെല്‍വരാജിനറിയാമെന്നു ചോദിച്ചുകൊണ്ടുള്ള വാക്കുതര്‍ക്കമാണ് കുത്തില്‍ കലാശിച്ചത്. മുന്‍ വൈരാഗ്യം വച്ചുകൊണ്ടുള്ള തര്‍ക്കം ഒരുമണിക്കൂറോളം നീണ്ടു, തുടര്‍ന്ന് ഉന്തും തള്ളും ഉണ്ടായി. ഇതിനിടയില്‍ പ്രഭു തട്ടുകടയിലെ സോഡാക്കുപ്പിയെടുത്ത് പൊട്ടിച്ച് ശെല്‍വരാജിന്റെ വയറ്റില്‍ കുത്തുകയായിരുന്നുവെന്ന് പോലീസ് പറഞ്ഞു.

കടക്കകത്തുവച്ചാണ് കുത്തേറ്റത്. സംഭവത്തെ തുടര്‍ന്ന് സ്ഥലത്തെത്തിയ പോലീസ് മൂന്നുപേരെയും പിടികൂടി. സംഭവത്തെ തുടര്‍ന്ന് പോലീസ് കടയടച്ച് സീല്‍ ചെയ്തു. കഞ്ചാവിനും മറ്റും ലഹരിക്കടിമകളുമാണ് പ്രതികളായിട്ടുള്ളവരെന്ന് നാട്ടുകാര്‍ പറഞ്ഞു. സംഭവം നടന്ന സ്ഥലത്ത് കാമറകളും സ്ഥാപിച്ചിട്ടുണ്ട്. കിഴക്കേകോട്ട ജംഗ്ഷനില്‍ രാത്രികാലങ്ങളില്‍ ഓട്ടോറിക്ഷ ഓടിക്കുന്നതിനായി സ്ഥിരമായി എത്താറുള്ളയാളാണ് ശെല്‍വരാജ്. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Clash, Auto Driver, Police, Case,