വിവാദ വെടിവെപ്പില്‍ അഭിമാനമെന്ന് ഡിവൈ.എസ്.പി

മലപ്പുറം: രണ്ടുവര്‍ഷംമുമ്പ് കോഴിക്കോട്ട് സമരത്തിനിടെ വിദ്യാര്‍ഥികള്‍ക്കു നേരെ നടത്തിയ വെടിവെപ്പില്‍ അഭിമാനമുണ്ടെന്ന് ക്രൈം ഡിറ്റാച്ച്മെന്‍റ് ഡിവൈ.എസ്.പി കെ. രാധാകൃഷ്ണപിള്ള.

കേരള പൊലീസ് അസോസിയേഷന്‍ മലപ്പുറം ജില്ലാ സമ്മേളനത്തിന്‍െറ ഉദ്ഘാടനചടങ്ങിലാണ് അദ്ദേഹം ഇക്കാര്യം പറഞ്ഞത്. ‘സമരത്തിനിടെ നടത്തിയ വെടിവെപ്പ്’ എന്ന് തെളിച്ചുപറയാതെ, താന്‍ നടത്തിയ പ്രവര്‍ത്തനം വിവാദമായെന്നും ആ ‘പ്രവൃത്തി’യില്‍ അഭിമാനംകൊള്ളുന്നുവെന്നുമാണ് മലപ്പുറം ടൗണ്‍ഹാളില്‍ സഹപ്രവര്‍ത്തകരുടെ കരഘോഷത്തിനിടെ രാധാകൃഷ്ണപിള്ള വ്യക്തമാക്കിയത്.
തന്‍െറ സഹപ്രവര്‍ത്തകരില്‍ പലര്‍ക്കും പരിക്കേറ്റപ്പോള്‍ അത് ചെയ്യേണ്ടിവന്നു. ഇത് വിവാദമായെന്നും അദ്ദേഹം പറഞ്ഞു.

നിര്‍മല്‍ മാധവ് എന്ന വിദ്യാര്‍ഥിയുടെ കോളജ് പ്രവേശവുമായി ബന്ധപ്പെട്ട് ഇടതുസംഘടനകള്‍ സമരം നടത്തിയപ്പോഴായിരുന്നു സംഭവം.
സമരക്കാര്‍ക്കുനേരെ സര്‍വീസ് റൈഫിള്‍ ചൂണ്ടി രാധാകൃഷ്ണപിള്ള വെടിവെക്കുന്നതിന്‍െറ ദൃശ്യങ്ങള്‍ മാധ്യമങ്ങള്‍ പുറത്തുവിട്ടത് ഏറെ വിവാദത്തിനിടയാക്കിയിരുന്നു. രാധാകൃഷ്ണപിള്ളയെ പിന്നീട് കോഴിക്കോട്ടുനിന്ന് മലപ്പുറത്തേക്ക് സ്ഥലംമാറ്റിയിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kerala